Halyqaralyq Olimpiada komiteti 2024 jylǵy Parij Olimpiadasy jarys baǵdarlamasy men kvotalar sanyn bekitti. Osy oraida, triatlonnan medaldar sany esh ózgerissiz qaldy, dep habarlaidy Olympic.kz.
Parij Olimpiadasynda ádettegidei úsh medal jiyntyǵy sarapqa salynyp, triatlonnan jalpy esebi 110 sportshy baq synaidy.
«World Triathlon Halyqaralyq Olimpiada komitetine ótinish jasap, triatlonnan kvota sanyn arttyrýdy suraǵan bolatyn. HOK komissiiasy ótkizgen talqylaýdan soń, ázirge mundai qadamnyń múmkin emestigi anyqtaldy. Sebebi, Parijdegi Olimpiada oiyndarynda ózge sport túrlerinen qatysatyn atletter sany azaitylyp jatyr. Dese de, 2024 jylǵy doda baǵdarlamasynda triatlonnan aralas estafetanyń bary bizdi qýantady», - deidi World Triathlon prezidenti Marisol Kasado.
Eske sala keteiik, Halyqaralyq Olimpiada komiteti 2024 jylǵy Olimpiada oiyndarynyń baǵdarlamasyna ený úshin 40 ótinish kelip túskenin, biraq onyń birde-biri maquldanbaǵanyn habarlaǵan bolatyn.
