Halyqaralyq Olimpiada komiteti (HOK) KHDR Ulttyq Olimpiada komitetiniń qyzmetin 2022 jyldyń sońyna deiin toqtatty, dep habarlaidy QazAqparat.
KHDR quramasy 23 shilde - 8 tamyz aralyǵynda ótken Tokio Olimpiadasyna qatysqan joq.
«Oiyndarǵa tek KHDR qatysqan joq. Olar jarǵyny buzdy, óz mindetterin oryndamady. Biz KHDR UOK-ten 2022 jyldyń sońyna deiin shettetý týraly sheshim qabyldadyq. HOK diskvalifikalaý ýaqytyn qaita qaraý quqyǵyn ózine qaldyrady», - dedi Tomas Bah Halyqaralyq Olimpiada komitetiniń YouTube-tegi kanalynda ótken baspasóz máslihatynda.
«KHDR UOK ýaqytsha toqtatý kezinde HOK qoldaýyna nemese onyń baǵdarlamalarynyń iske asyrylýyna úmit arta almaidy.
Eger KHDR sportshylary irikteý jarystarynyń qorytyndylary boiynsha Beijińdegi Olimpiada oiyndaryna iriktelse, HOK atqarý komiteti keiinnen osy sportshylarǵa qatysty tiisti sheshim qabyldaityn bolady», - dep atap ótti ol.
