Qazaqstan Respýblikasynyń Bas prokýratýrasy men Ishki ister ministrliginiń qyzmetkerleri Germaniiadan halyqaralyq izdeýde júrgen Resei azamaty Sergei Valerevich Shýbindi ekstraditsiialady, dep habarlaidy QazAqparat QR Bas prokýratýrasynyń baspasóz qyzmetine silteme jasap.
Shýbin Aqmolalyq kásipkerdiń 170 000 eýro somasyn et óńdeitin nemis jabdyǵyn jetkizý amaly arqyly alaiaqtyq jolmen iemdendi dep kúdiktelýde.
Qazaqstan men Germaniia arasynda izdestirilip jatqan adamdardy ustap berý týraly shart bolmaǵanymen, Bas prokýratýra aiyptalýshyny ekstraditsiialaý týraly nemis tarapymen kelisimge halyqaralyq quqyqta qoldanylatyn ózara túsinistik qaǵidaty negizinde qol jetkizdi.
Qazirgi ýaqytta S. Shýbin Nur-Sultan qalasynyń tergeý izoliatoryna qamaldy.
