© Sputnik / Timýr Batyrshin
Iri kólemde alaiaqtyq jasady dep kúdikke ilingen qazaqstandyq Dýbaidan ekstraditsiialandy, dep habarlaidy Bas prokýratýra.
Kúdiktini ustaýǵa Qazaqstannyń interpol qyzmetkerlerine Birikken Arab Ámirlikterindegi elshilik kómektesken.
"Ol 2022–2023 jyldar aralyǵynda Almaty qalasynda "Wildberries" kompaniiasyna investitsiia salý syltaýymen jáne syiaqy ýáde etip, alty azamatty aldap, olardyń aqshalai qarajatyn iemdengen. Saldarynan jábirlenýshilerge iri mólsherde materialdyq zalal keltirilgen", - deidi vedomstvo.
Qylmysty jasaǵannan keiin kúdikti boi tasalap, eki jyl boiy halyqaralyq izdeýde bolǵan.
Biyl sáýirde Birikken Arab Ámirlikteriniń aýmaǵynda ustalyp, Bas prokýratýranyń suraýy boiynsha Qazaqstanǵa ekstraditsiialandy.
Qazirgi ýaqytta kúdikti tergeý izoliatoryna qamaldy.
