Videodan alynǵan kadr
9 jyldan beri halyqaralyq izdeýde júrgen Qazaqstan azamaty Túrkiiadan ekstraditsiialandy, dep habarlaidy "Ult aqparat" Bas prokýratýranyń baspasóz qyzmetine silteme jasap.
Vedomstvo málimetinshe, Túrkiia Respýblikasynyń Ádilet ministrligi Qazaqstan Respýblikasy Bas prokýratýrasynyń 2014 jyldan bastap halyqaralyq izdeýde júrgen azamat «K»-ny ustap berý týraly suraý salýyn qanaǵattandyrǵan.
Atalǵan azamat qurylys kompaniialaryna tiesili jalpy somasy shamamen 1 mlrd. teńge qarajatty jymqyrdy degen kúdikke ilingen.
Bul qarajat áleýmettik maqsattaǵy obektilerdi salýǵa arnalǵan. Olardyń arasynda aýrýhana da bar.
"Búgin Bas prokýratýra men Ishki ister ministrliginiń qyzmetkerleri Syrtqy ister ministrliginiń kómegimen kúdiktini qylmystyq jaýapkershilikke tartý úshin Qazaqstanǵa ekstraditsiialady.
Qazirgi ýaqytta ol Astana qalasynyń tergeý izoliatoryna qamaldy.
Joǵaryda atalǵan qylmys jasaǵany úshin onyń múlki tárkilenip, 5 jyldan 10 jylǵa deiin bas bostandyǵynan aiyrý jazasy taǵaiyndalýy múmkin.
Bul nátijege bizdiń memleketter arasyndaǵy qylmystyq-quqyqtyq saladaǵy yntymaqtastyqtyń joǵary deńgeiiniń, sondai-aq Bas prokýratýranyń Túrkiianyń quzyretti organdarymen maqsatty jumysynyń arqasynda qol jetkizildi" - delingen habarlamada.
