Foto: Gov.kz
Túrkistan qalasynda «TURKISTAN INVESTMENT AND TOURISM FORUM – 2024» Halyqaralyq forýmy ári qarai paneldik otyrystarǵa jalǵasty. Sonyń biri – «Óńdeý jáne ónerkásip salasyndaǵy Qazaqstan-Qytai investitsiialyq yntymaqtastyǵy» otyrysy, dep habarlaidy «Ult aqparat».
Jiynǵa oblys ákiminiń orynbasarlary – Nuralhan Kósherov pen Nurbol Turashbekov, sonym
en qatar eki eldiń tanymal biznes kóshbasshylary men sarapshylary, investitsiialyq kompaniialardyń basshylary men qarjy jáne halyqaralyq uiymdardyń ókilderi, jergilikti kásipkerler qatysty. Kezdesýdi «Atameken» UKP Basqarma tóraǵasynyń orynbasary Timýr Naqypbekov júrgizip otyrdy.
Munda Qazaqstan men Qytai elderiniń investitsiialyq yntymaqtastyǵynyń mańyzdy aspektileri men múmkindikteri keńinen talqylandy. Ekonomikalyq ósim men damýyna septigin tigizetin birlesken jobalar ortaǵa salyndy. Túrkistan oblysy tarapynan investorlarǵa qai salaǵa investitsiia jasaý tiimdi bolatyny, sonymen qatar osy baǵyttaǵy usynylatyn jeńildikter, qarjylandyrý baǵdarlamalary túsindirildi. «Aýyl sharýashylyǵy – myqty ekonomikanyń negizi» taqyrybynda baiandama jasalyp, óńirdiń osy saladaǵy jetistikteri tanystyryldy. Spikerler atalǵan talqylaýǵa óziniń qundy ideialary men úlesterin qosty.
Panelldik otyrys aiasynda yntymaqtastyq týraly birqatar memorandýmdarǵa qol qoiyldy. Bul óz kezeginde yntymaqtastyqty nyǵaitý jáne mańyzdy jobalardy júzege asyrý jolyndaǵy mańyzdy qadam bolmaq. «Mundai bastamalar investitsiia men yntymaqtastyq úshin jańa kókjiekter ashýǵa jáne ózara tiimdi qarym-qatynastardy damytýǵa yqpal etedi. Sonymen qatar atalǵan kelisimder investitsiialyq belsendilik úshin qolaily jaǵdai jasap, Qazaqstan úshin de, Qytai úshin de paidaly jańa bastamalardy damytýǵa múmkindik beredi» deidi qatysýshylar. Forým ári qarai B2B jáne G2B formatyndaǵy pikir almasýǵa ulasty. Onda forým qatysýshylary nátijeli dialog quryp, tájiribelerimen bólisti.
Aita keteiik, óńirdegi basty halyqaralyq oqiǵanyń negizgi maqsaty da biznesti damytýdy yntalandyrý, jańa investitsiialyq múmkindikter usyný, sondai-aq, Túrkistan oblysy men Qytai Halyq Respýblikasynyń provintsiialary arasyndaǵy yntymaqtastyqty keńeitýge jáne integratsiiany tereńdetýge baǵyttalǵan. Bul is-shara aimaqty jańa álemniń negizgi ekonomikalyq jáne iskerlik ortalyqtarynyń birine, sondai-aq iri korporatsiialar men bólshek saýdagerler úshin strategiialyq naryqqa ainaldyrýǵa múmkindik bermek.
