Halyqaralyq Armiia oiyndary sheńberinde «Attar marafony» konkýrsyna qatysatyn Qazaqstan áskeri qyzmetshileriniń komandasy Reseige attandy, dep habarlaidy dep habarlaidy "Ult aqparat" Qorǵanys ministrliginiń baspasóz qyzmetine silteme jasap.
Jarys Kyzyl qalasynda (Tyva Respýblikasy) ótedi.
Osy konkýrsqa áskeri qyzmetshiler bes ai daiyndaldy. Komandanyń negizgi quramy taý-ormanshylyq polk áskeri qyzmetshileri qatarynan qurylǵan. Olar aqpan men maýsymda ótken birneshe irikteý kezeńiniń nátijeleri boiynsha anaǵurlym daiarlanǵan mamandar qatarynan iriktelip alyndy. Áskeri qyzmetshilerdi jibergenge deiin olardy jattyqtyrý osy bólimsheniń bazasynda ótti.
«Qarqyndy jattyǵýlar kezinde komanda óz nátijelerin jaqsarta tústi. Bul óz kezeginde bizge júldeli oryndarǵa ie bolýǵa múmkindik beredi», – dep atap ótti «Ońtústik» óńirlik qolbasshylyǵy áskerleri qolbasshysynyń jaýyngerlik daiarlyq jónindegi orynbasary polkovnik Dáýren Hamitov.
Qazaqstan komandasynyń Reseige keter aldyndaǵy sońǵy daiarlyq kezeńi saptyq baiqaý boldy. Ony Qorǵanys ministriniń keńesshisi general-maior Ádilbek Aldabergenov ótkizdi.
– Sizder jarysta óz kásibi sheberligińizdi kórsete otyryp, eń úzdik nátijege qol jetkizýge, qarsylastarymyzǵa laiyqty básekeles bolýǵa tiissizder. Sizderdiń árbir jetistigińizge qarap, bizdiń armiiamyzdy, bizdiń elimizdi baǵalaityn bolady, – dedi ol.
Halyqaralyq konkýrsta Qazaqstan áskeri qyzmetshileriniń qarsylastary Zimbabve, Iran, Mońǵoliia, Resei jáne Ózbekstan komandalary bolady.
«Attar marafony» konkýrsyna komandalar jergilikti jermen tanysý jáne beiimdelý úshin, eń bastysy, jattyǵýlar ótkizý úshin erterek barady. Óitkeni jarys sharttary boiynsha qatysýshylarǵa attardy qabyldaýshy tarap beredi. Qatysýshylarǵa tek óziniń at-ábzelin paidalanýǵa ruqsat etilgen.
«Attar marafony» komandasymen bir ýaqytta «Desanttyq vzvod» jáne «Elbrýs sheńberi» konkýrstarynyń qatysýshylary da oiyn ótetin jerlerge ketti.
