حالىقارالىق ارمييا ويىندارى شەڭبەرٸندە «اتتار مارافونى» كونكۋرسىنا قاتىساتىن قازاقستان ەسكەري قىزمەتشٸلەرٸنٸڭ كومانداسى رەسەيگە اتتاندى, دەپ حابارلايدى دەپ حابارلايدى "ۇلت اقپارات" قورعانىس مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
جارىس كىزىل قالاسىندا (تىۆا رەسپۋبليكاسى) ٶتەدٸ.
وسى كونكۋرسقا ەسكەري قىزمەتشٸلەر بەس اي دايىندالدى. كوماندانىڭ نەگٸزگٸ قۇرامى تاۋ-ورمانشىلىق پولك ەسكەري قىزمەتشٸلەرٸ قاتارىنان قۇرىلعان. ولار اقپان مەن ماۋسىمدا ٶتكەن بٸرنەشە ٸرٸكتەۋ كەزەڭٸنٸڭ نەتيجەلەرٸ بويىنشا اناعۇرلىم دايارلانعان ماماندار قاتارىنان ٸرٸكتەلٸپ الىندى. ەسكەري قىزمەتشٸلەردٸ جٸبەرگەنگە دەيٸن ولاردى جاتتىقتىرۋ وسى بٶلٸمشەنٸڭ بازاسىندا ٶتتٸ.
«قارقىندى جاتتىعۋلار كەزٸندە كوماندا ٶز نەتيجەلەرٸن جاقسارتا تٷستٸ. بۇل ٶز كەزەگٸندە بٸزگە جٷلدەلٸ ورىندارعا يە بولۋعا مٷمكٸندٸك بەرەدٸ», – دەپ اتاپ ٶتتٸ «وڭتٷستٸك» ٶڭٸرلٸك قولباسشىلىعى ەسكەرلەرٸ قولباسشىسىنىڭ جاۋىنگەرلٸك دايارلىق جٶنٸندەگٸ ورىنباسارى پولكوۆنيك دەۋرەن حاميتوۆ.
قازاقستان كومانداسىنىڭ رەسەيگە كەتەر الدىنداعى سوڭعى دايارلىق كەزەڭٸ ساپتىق بايقاۋ بولدى. ونى قورعانىس مينيسترٸنٸڭ كەڭەسشٸسٸ گەنەرال-مايور ەدٸلبەك الدابەرگەنوۆ ٶتكٸزدٸ.
– سٸزدەر جارىستا ٶز كەسٸبي شەبەرلٸگٸڭٸزدٸ كٶرسەتە وتىرىپ, ەڭ ٷزدٸك نەتيجەگە قول جەتكٸزۋگە, قارسىلاستارىمىزعا لايىقتى بەسەكەلەس بولۋعا تيٸسسٸزدەر. سٸزدەردٸڭ ەربٸر جەتٸستٸگٸڭٸزگە قاراپ, بٸزدٸڭ ارمييامىزدى, بٸزدٸڭ ەلٸمٸزدٸ باعالايتىن بولادى, – دەدٸ ول.
حالىقارالىق كونكۋرستا قازاقستان ەسكەري قىزمەتشٸلەرٸنٸڭ قارسىلاستارى زيمبابۆە, يران, موڭعولييا, رەسەي جەنە ٶزبەكستان كوماندالارى بولادى.
«اتتار مارافونى» كونكۋرسىنا كوماندالار جەرگٸلٸكتٸ جەرمەن تانىسۋ جەنە بەيٸمدەلۋ ٷشٸن, ەڭ باستىسى, جاتتىعۋلار ٶتكٸزۋ ٷشٸن ەرتەرەك بارادى. ٶيتكەنٸ جارىس شارتتارى بويىنشا قاتىسۋشىلارعا اتتاردى قابىلداۋشى تاراپ بەرەدٸ. قاتىسۋشىلارعا تەك ٶزٸنٸڭ ات-ەبزەلٸن پايدالانۋعا رۇقسات ەتٸلگەن.
«اتتار مارافونى» كومانداسىمەن بٸر ۋاقىتتا «دەسانتتىق ۆزۆود» جەنە «ەلبرۋس شەڭبەرٸ» كونكۋرستارىنىڭ قاتىسۋشىلارى دا ويىن ٶتەتٸن جەرلەرگە كەتتٸ.
