Halyq únine qulaq asatyn memleket qoǵamdyq qatysý men baqylaýdy qamtamasyz etý úshin sapaly júiemen qatar, kez kelgen máseleni talqylaý bastamasyn jasaý múmkindigin berýi kerek. Bul týraly otyrysynda Ekologiialyq uiymdar qaýymdastyǵynyń basqarma tóraǵasy Aigúl Soloveva aitty, dep habarlaidy QazAqparat.
A. Soloveva memlekettik organnyń qoǵammen ózara is-qimylynda úlgi kórsetkeni úshin Aqparat jáne qoǵamdyq damý ministrligine alǵysyn jetkizdi. Osy oraida ol qoǵamdyq baqylaý týraly Prezident Joldaýynda jariialanǵan qadamdardy ilgeriletý sharlaryna rizashylyǵyn bildirdi.
Onyń aitýynsha, el Prezidentiniń qoǵamdyq baqylaýdy zańnamalyq bekitý bastamasy halyq únine qulaq asatyn memleket kontseptsiiasymen úilesimdi. Ondaǵy basty tezis - memleket azamattar múddesin birinshi orynǵa qoiady.
«Halyq únine qulaq asatyn memleket qoǵamdyq qatysý men baqylaýdy qamtamasyz etý úshin sapaly júiemen qatar, kez kelgen máseleni talqylaý bastamasyn jasaý múmkindigin berýi kerek», - dedi A. Soloveva.
Sonymen qatar, Qaraǵandy oblysy boiynsha Azamattyq alians prezidenti Gúlnar Qurbanbaeva da qoǵamdyq baqylaýdy zańnamalyq bekitýge qatysty óziniń pikirin bildirdi.
Qoǵamdyq baqylaý baǵytynda sheshim qabyldaý jumysyna toqtalǵan ol, osy oraida normativtik-quqyqtyq akti jobalaryna qoǵamdyq saraptama taqyrybyn kóterdi.
«Bizde biznes ortada NQA jobalarynyń qoǵamdyq saraptamasy boiynsha 15 jyldyq ońtaily tájiribe bar. NQA-nyń mindetti qoǵamdyq saraptamasy qoǵamdyq baqylaýdyń mańyzdy elementteriniń biri bolýy tiis. Qoǵamdyq saraptamany engizý - normativtik bazanyń tiimdiligin arttyrý men nátijeligine óziniń yqpalyn tigizedi», - dedi ol.
