Qazaqstan Respýblikasy Aqparat jáne qoǵamdyq damý ministrligi Memleket basshysy bastamashylyq etken, «Halyq únine qulaq asatyn memleket» tujyrymdamasyna kóshý sheńberinde is-sharalarynyń Ministrliktiń resmi internet-resýrsynda jáne áleýmettik jelilerdegi akkaýnttarda onlain-kórsetilimin iske qosady, dep habarlaidy "Ult aqparat".
Onlain-transliatsiialar ótkizýdi qamtamasyz etý maqsatynda Ministrlikte tiisti keste bekitilgen, oǵan ministrlik ótkizetin 15 ózekti ashyq is-sharalar (otyrystar, keńester, dóńgelek ústelder, forýmdar jáne t.b.) engizilgen.
«Halyq únine qulaq asatyn memleket» Tujyrymdamasynyń negizgi maqsaty memleket pen halyq arasynda syndarly dialog ornatý bolyp tabylady.
Memlekettik apparat qyzmetindegi problemalar kóbinese azamattar men sheneýnikter arasyndaǵy keri bailanystyń bolmaýyna bailanysty ekeni jasyryn emes.
Is-sharalardyń onlain transliatsiialary Ministrliktiń resmi internet-resýrsynda, Facebook jáne Youtube áleýmettik jelilerinde qoljetimdi bolady.
Sonymen qatar, Internet paidalanýshylary onlain-transliatsiia barysynda óz pikirlerin qaldyra alady.
Esterińizge sala keteiik, Qazaqstanda ár apta saiyn onlain rejiminde Úkimet otyrystary, QR Parlamenti Senaty men Májilisiniń jalpy otyrystary, sondai-aq «Aqparatqa qol jetkizý týraly» Zańǵa sáikes jyl qorytyndysy boiynsha ortalyq jáne jergilikti atqarýshy organdardyń alqa otyrystary transliatsiialanady.
.jpeg)