Ulttyq sanaqtyń onlain kezeńinde alǵashqy kúni 32 myńnan astam adam derekterin tirkegen, dep habarlaidy "Ult aqparat".
«2 qyrkúiek saǵat 10.00-degi jaǵdai boiynsha 32 422 respondent onlain sanaqtan ótti. Olardyń 28 382-si sanaq.gov.kz saitynda, 3528-i Egov portalyndaǵy sait siltemesin paidalana otyryp jaýap berse, 512 adam sanaqqa Aitu qosymshasy arqyly qatysty», - dep jazylǵan Ulttyq statistika biýrosynyń málimetinde.
Ulttyq statistika biýrosy mamandarynyý atiýynsha, onlain saýalnamadan ótý rásimine qatysty birqatar másele týyndaǵan.
«Keibir azamattar turǵylyqty mekenjaiyn toltyrý kezinde qiyndyqtarǵa tap boldy. Respondentke kóshe ataýynyń alǵashqy áripterin engizý kerek, sodan keiin júie avtomatty túrde uqsas nusqalardy shyǵarady. Eger birinshi áreket kezinde qajetti mekenjaidy tabý múmkin bolmasa, qazaq jáne orys tilderinde túrli variatsiialardy terý qajet. Mysaly, Nur-Sultan qalasyndaǵy «Jeńis» kóshesin oryssha variatsiiada «Jenis» dep terse, júie qajetti mekenjaidy bermeidi. Sebebi kóshe ataýynda qazaq tiline tán áripter bar», - dep jazady komitettiń baspasóz qyzmeti.
Áleýmettik jelide sanaq.gov.kz saity arqyly saýaldarǵa jaýap berý kezinde túrli qatelikter shyqqany týraly habar taraǵan bolatyn.
«Naqtyraq aitqanda, memlekettik til biliminiń deńgeiine qatysty suraqtan qatelik tapqan. Taraǵan beinejazbanyń basynda respondent 3-shi paraqtyń 13-shi saýalyna (Siz qai tilderdi meńgergensiz?) jaýap berý kezinde qazaq jáne orys tilderin meńgergenin kórsetken. Kelesi saýal (Siz memlekettik tildi meńgergensiz be? Eger «Iá» degen jaýap bolsa, onda siz ony kúndelikti ómirde qoldanasyz ba?) memlekettik tildi kúndelikti ómirde qoldaný-qoldanbaýyn naqtylaý maqsatynda qoiylǵan. Eger alǵashqysynda «qazaq tilin meńgergenin» kórsetip, kelesi suraqta kerisinshe jaýap qatsa, júie qatelikti ańǵaryp, birden belgi beredi. Osylaisha adami faktorǵa jol berilmeidi. Sanaq paraqtarynda birnshe ózara bailanysty suraqtar bar. Sondyqtan júie jaýaptardyń birizdi bolýyn qamtityndai qurylǵan», - dep jazylǵa resmi komitettiń baspasóz qyzmeti taratqan aqparatta.
Ulttyq statistika biýrosy onlain sanaqqa qatysty qandai da bir qiyndyq nemese saýal týyndasa, «1446» bailanys ortalyǵyna habarlasýǵa bolatynyn habarlaidy.
