Qazaqstan politsiia qyzmetkerleriniń halyq sanymen sáikestigi boiynsha Frantsiia jáne Chehiianyń ortasynda tur. Bul týraly QR Ishki ister ministriniń orynbasary Aleksei Kalaichidi Ortalyq kommýnikatsiialar qyzmetinde ótken dóńgelek ústelde aitty, dep habarlaidy QazAqparat.
«Salada reforma bastalǵaly shtat sanyn 11 paiyzǵa qysqarttyq. Shamamen 1100 laýazym joiyldy. Reformaǵa deiin bir basshyǵa 3 qyzmetker kelse, qazir bir basshyǵa 5 adam baǵynady. Kúzet qyzmetin básekeli ortaǵa berip jatyrmyz. Qatarymyzda 13 myń mamandandyrylǵan kúzet qyzmetiniń ókilderi bar. Bul jumys áli jalǵasady. Eger buryn 100 myń turǵynǵa 470 politsiia qyzmetkeri keletin bolsa, ońtailandyrý sharalarynan keiin bul san 393-ke qysqardy. Bul kórsetkish boiynsha qazir biz Frantsiia men Chehiianyń arasynda turmyz», - dedi ministrdiń orynbasary.
