Foto: elements.envato.com
Búgin Májiliste depýtattar «Halyqtyń tabysyn 2029 jylǵa deiin arttyrý baǵdarlamasynyń» keshendi josparyn talqylady, dep habarlady Halyq Uni saity.
Depýtat Erlan Sairov turǵyndardyń jaǵdaiyn, ál-aýqatyn jalpy ishki ónimmen ólsheý orynsyz dep esepteidi.
"Halyq sený úshin eń birinshi bizdiń sózimiz ben bazardaǵy baǵa sáikes kelýi kerek. Meniń oiymsha, osyndai kezdesýdiń aldynda Úkimet músheleri mindetti túrde bazarǵa baryp shyqqany jón. Búginde Qazaqstannyń ishki jalpy ónimi 3,2%-ǵa ósti dep aitasyzdar. Biraq elimizdegi infliatsiia 20%-ǵa ósti ǵoi. Qyrǵyzstanda infliatsiia – 14%. Ózbekstanda – 12%, Reseide – 11%", - dedi Sairov Májiliste ótken jiynda.
Depýtat halyqtyń tabysy tómendegenin monshadan da baiqaýǵa bolatynyn atap ótti.
«Men «Artem» bazary men Small dúkenine baramyn. Adamdar kúndelikti tutynatyn nan, mai, makaron, kúrish 80%-ǵa qymbattady. Osyny biz nege aitpaimyz? Jigitter, men «Keremet» degen monshaǵa baramyn. Qazir halyq jetisine bir emes, 2 aptada bir ret monshaǵa baratyn bolǵan. Óitkeni halyqtyń tabysy tómendep ketti. Áriptester, búgingi indkatorlardy ózgertý kerek. Sizderdiń (Ulttyq ekonomika ministrligi) indikatorlaryńyz durys emes. Ishki jalpy ónim Qazaqstan haqynyń ál-aýqatynyń indikatory bola almaidy. Negizgi indikator – úi sharýashylyqtarynyń tabysy», - dedi ol.
