فوتو: elements.envato.com
بٷگٸن مەجٸلٸستە دەپۋتاتتار «حالىقتىڭ تابىسىن 2029 جىلعا دەيٸن ارتتىرۋ باعدارلاماسىنىڭ» كەشەندٸ جوسپارىن تالقىلادى, دەپ حابارلادى Halyq Uni سايتى.
دەپۋتات ەرلان سايروۆ تۇرعىنداردىڭ جاعدايىن, ەل-اۋقاتىن جالپى ٸشكٸ ٶنٸممەن ٶلشەۋ ورىنسىز دەپ ەسەپتەيدٸ.
"حالىق سەنۋ ٷشٸن ەڭ بٸرٸنشٸ بٸزدٸڭ سٶزٸمٸز بەن بازارداعى باعا سەيكەس كەلۋٸ كەرەك. مەنٸڭ ويىمشا, وسىنداي كەزدەسۋدٸڭ الدىندا ٷكٸمەت مٷشەلەرٸ مٸندەتتٸ تٷردە بازارعا بارىپ شىققانى جٶن. بٷگٸندە قازاقستاننىڭ ٸشكٸ جالپى ٶنٸمٸ 3,2%-عا ٶستٸ دەپ ايتاسىزدار. بٸراق ەلٸمٸزدەگٸ ينفلياتسييا 20%-عا ٶستٸ عوي. قىرعىزستاندا ينفلياتسييا – 14%. ٶزبەكستاندا – 12%, رەسەيدە – 11%", - دەدٸ سايروۆ مەجٸلٸستە ٶتكەن جيىندا.
دەپۋتات حالىقتىڭ تابىسى تٶمەندەگەنٸن مونشادان دا بايقاۋعا بولاتىنىن اتاپ ٶتتٸ.
«مەن «ارتەم» بازارى مەن Small دٷكەنٸنە بارامىن. ادامدار كٷندەلٸكتٸ تۇتىناتىن نان, ماي, ماكارون, كٷرٸش 80%-عا قىمباتتادى. وسىنى بٸز نەگە ايتپايمىز? جٸگٸتتەر, مەن «كەرەمەت» دەگەن مونشاعا بارامىن. قازٸر حالىق جەتٸسٸنە بٸر ەمەس, 2 اپتادا بٸر رەت مونشاعا باراتىن بولعان. ٶيتكەنٸ حالىقتىڭ تابىسى تٶمەندەپ كەتتٸ. ەرٸپتەستەر, بٷگٸنگٸ يندكاتورلاردى ٶزگەرتۋ كەرەك. سٸزدەردٸڭ (ۇلتتىق ەكونوميكا مينيسترلٸگٸ) ينديكاتورلارىڭىز دۇرىس ەمەس. ٸشكٸ جالپى ٶنٸم قازاقستان حاقىنىڭ ەل-اۋقاتىنىڭ ينديكاتورى بولا المايدى. نەگٸزگٸ ينديكاتور – ٷي شارۋاشىلىقتارىنىڭ تابىسى», - دەدٸ ول.
