«Halyq» qaiyrymdylyq qory Qostanai oblysyndaǵy balabaqsha qurylysyna 1,3 mlrd teńge bóledi.
Qatty órtten Qostanai oblysyna orasan zor materialdyq jáne ekonomikalyq shyǵyn keldi. Júzge jýyq úi órtenip, jergilikti turǵyndardyń ómiri men qaýipsizdigine qaýip tóndi. Úkimet turǵyndardy qoldaý jáne qiyn jaǵdaidan shyǵý úshin barlyq sharalardy qoldanyp, tabiǵi apattyń zardaptaryn joiý boiynsha belsendi jumys júrgizip jatyr.
"Qostanai oblysynyń qasireti barsha qazaqstandyqtarǵa, kásipkerler men qoǵam qairatkerlerine kómek kórsetý nietin biriktirdi. Qamqorshylyq Keńesiniń sheshimimen «Halyq» Qaiyrymdylyq Qory tótenshe jaǵdaida zardap shekken otandastarǵa kómek kórsetýge óz úlesin qosty.
Qostanai oblysynyń Áýliekól aýdanynda orman órtinen zardap shekkenderge 91 jańa úi salý josparlanyp otyrǵan aýdanda 280 oryndyq jańa balabaqsha salynady, onyń qurylysyna «Halyq» qaiyrymdylyq qory 1,3 mlrd teńge bóldi" - delingen habarlamada.
Qurylys jaqyn arada bastalyp, kelesi jyly jańa balabaqsha kishkentai tárbielenýshilerin qabyldaýǵa daiyn bolady.
«Biz zardap shekkenderdiń barlyǵynyń qaiǵysyna ortaq bolyp, bizdiń úlesimiz, qamqorlyǵymyz ben qoldaýymyz olardyń aýyr zardaptardan aiyǵýyna jáne jaqyn bolashaqta olardyń qalypty ómirlerine oralýyna kómektesetinine senim bildiremiz», - delingen «Halyq» qaiyrymdylyq qory málimdemesinde.
