Foto: Almaty ákimdigi
«Halyq qatysatyn biýdjet» qalalyq baǵdarlamasyna ótinim qabyldaý 9 qyrkúiekte bastaldy. Eki apta ishinde shahar turǵyndarynan budget.open-almaty.kz saityna shamamen 2 500 ótinim kelip tústi.
Qazirgi kezde eń kóp usynys Jetisý aýdanynda, 24 qyrkúiektegi málimet boiynsha shamamen 700 ótinim túsken. Ekinshi orynda Naýryzbai aýdany, onyń turǵyndary saitqa 500 ótinim ornalastyrǵan.
Turǵyndar negizinen myna baǵyttar boiynsha jobalar usynady: kúrke ornatý jáne jóndeý, balalar jáne sport alańdaryn ornatý, oryndyqtar, qoqys jáshikteri, oiyn jáne demalys jabdyqtary men qurylǵylardy qoǵamdyq oryndarǵa ornatý, aýlalardy, kóshelerdi kógaldandyrý jáne jaryqtandyrý.
2025 jyly «Halyq qatysatyn biýdjet» baǵdarlamasy boiynsha ideialardy júzege asyrý úshin biyl 25 qyrkúiekke deiin budget.open-almaty.kz portalynda ótinim berý qajet.
Eske salsaq, aýlalardy, kóshelerdi jáne qala aýdandaryn kóriktendirý boiynsha usynysty kez kelgen kámelet jasqa tolǵan turǵyndar biýdjet qarjysy esebinen usyna alady.
Baiqaý ótinim qabyldaý, saraptamalyq baǵalaý, jobalardy jetildirý, túzetilip, tolyqtyrylǵan usynystardy qaraý, daýys berý, daýys berý nátijesin qorytyndylaý, biýdjettik ótinimdi qalyptastyrý, jobalardy júzege asyrý syndy 8 kezeńnen turady.
Ótinimde jobanyń ataýy, sipattamasy, ornalasqan jeriniń mekenjaiy, jobalyq usynystyń shamamen alynǵan sýretteri, shemasy nemese eskizi jáne smetasy bolýǵa tiis. Bir ótinimniń somasy 92,3 mln teńgeden (25 myń AEK) aspaýy kerek.
Jobalar myna sanattar boiynsha qabyldanady: kógaldandyrý, trotýar salý jáne jóndeý, pandýstar, aryqtar, qoǵamdyq oryndardy qurý, jóndeý jáne jaryqtandyrý, jiektastardy, plitkalardy, tirek qabyrǵalaryn jóndeý, qoqystardy joiý, kúrkelerdi, oryndyqtardy, qoqys jáshikterin, balalar oiyn jabdyqtary men eresekterge arnalǵan demalys aimaqtaryn ornatý jáne jóndeý, aýla aýmaqtary men qoǵamdyq oryndardaǵy sporttyq nemese oiyn alańdaryn ornatý, jóndeý jáne jaryqtandyrý, sanitarlyq tártipti qamtamasyz etý.
Qalalyq baǵdarlama erejesi týraly tolyǵyraq budget.open-almaty.kz internet-portalynan oqi alasyz.
Aita ketý kerek, Almaty ekonomikasy turaqty ósýdi kórsetip otyr. Jarty jylda 715 mlrd teńge investitsiia tartyldy. Jyl basynan beri 32 myńnan astam jańa jumys orny quryldy. Almatynyń JÓÓ 2024 jyly 4,7% - ǵa ósti. Almatyda negizgi kapitalǵa salynǵan investitsiialar kólemi 15,8% - ǵa ósti. "Almaty Business Development Company "Almaty qalasynyń biznesti damytý kompaniiasy" JShS Almaty qalasynda investitsiialar tartý jáne investorlardy súiemeldeý salasyndaǵy óńirlik uiym bolyp tabylady. Qoldanystaǵy zańnamaǵa sáikes Kompaniia "bir tereze"qaǵidaty boiynsha Almaty qalasynda investitsiialar tartý jáne investorlardy súiemeldeý salasyndaǵy qyzmetti júzege asyrady. Kompaniia qala ekonomikasynyń basym salalaryna investitsiialar tartady, qarjylandyrýdyń memlekettik jáne óńirlik baǵdarlamalary boiynsha konsýltatsiialar beredi, sondai-aq investitsiialyq jobalardy keshendi súiemeldeýdi júzege asyrady.
