Búgin Almaty jurtshylyǵy «dóńgelek ústel» basynda «Halyq densaýlyǵy jáne densaýlyq saqtaý júiesi týraly» Kodeks jobasynyń normalaryn talqylady, dep habarlaidy "Ult aqparat".
Jiynǵa Densaýlyq saqtaý ministri Eljan Birtanov, Almaty ákiminiń orynbasary Erjan Babaqumarov, QR Parlamenti Májilisiniń depýtaty Záýresh Amanjolova, QR Balalar quqyǵyn qorǵaý jónindegi ýákil Arýjan Sain, úkimettik emes sektordyń, kásipodaqtardyń, meditsinalyq uiymdardyń músheleri, densaýlyq saqtaý salasyndaǵy sarapshylar, qoǵam belsendileri jáne buqaralyq aqparat quraldarynyń ókilderi qatysty.
Almaty qalasy ákiminiń orynbasary Erjan Babaqumarov memleket densaýlyq saqtaý salasyna erekshe nazar aýdaryp otyrǵanyn atap ótti.
Al spikerler qazir qoǵamda qyzý talqylanyp jatqan jańa kodekske engizilgen ózgerister týraly baiandama jasady.
«Búgin memleketimizdiń ár azamaty úshin asa mańyzdy qujatty talqylaýǵa jinalyp otyrsyzdar. Bul óte mańyzdy, qajetti qujat. Osy baǵytta bizde Májiliste arnaiy jumys toby quryldy, 24 otyrys ótkizdik. Búgingi kúnge deiin 791 usynys berildi. Onyń 600-ge jýyǵy qabyldandy, 200-ge jýyǵy jumys ústinde. Munyń barlyǵy bul zańnyń ózektiligin kórsetse kerek. Bizdiń depýtattar óńirlerge de shyǵyp, pikir jinady, olardy usynys retinde aitty», - dedi QR Parlamenti Májilisiniń depýtaty Záýresh Amanjolova.
Aita ketý kerek, kodekstiń jańa jobasynda álemdik tájiribe negizinde DDU usynymdaryna sáikes ózgerister engizildi.
«Búgingi mańyzdy otyrysqa jinalyp, óte ózekti máselelerdi talqylaýǵa kelgenderińizge qýanyshtymyn. Bul, ár azamatqa qatysy bar quqyqtyq normativtik qujat. Kodekstiń jobasy alǵash ret Densaýlyq saqtaý ministrliginiń saitynda bir jyl buryn jariialandy. Osymen onynshy qoǵamdyq tyńdaý ótýde. Búginde úsh myńnan astam túzetý men usynys jinadyq. Ásirese, halyqtyń pikirine súienip kodekske túzetýler engizýge kómektesken QR Parlamenti Májilisi janyndaǵy jumys tobyna, ÚEU-larǵa alǵys aitqym keledi», - dedi Densaýlyq saqtaý ministri Eljan Birtanov.
Jiyn barysynda ekpe alý, meditsinalyq kómektiń qoljetimdiligi men sapasyn arttyrý, jastardyń jynystyq saýatyn arttyrý, meditsinalyq qyzmetterdiń sapasyna baqylaýdy kúsheitý, meditsinalyq kadrlardy daiarlaý sapasyn arttyrý, meditsinalyq pýnkterdi damytý, densaýlyq saqtaýdy tsifrlandyrý máseleleri kóterildi.
