بٷگٸن الماتى جۇرتشىلىعى «دٶڭگەلەك ٷستەل» باسىندا «حالىق دەنساۋلىعى جەنە دەنساۋلىق ساقتاۋ جٷيەسٸ تۋرالى» كودەكس جوباسىنىڭ نورمالارىن تالقىلادى, دەپ حابارلايدى "ۇلت اقپارات".
جيىنعا دەنساۋلىق ساقتاۋ مينيسترٸ ەلجان بٸرتانوۆ, الماتى ەكٸمٸنٸڭ ورىنباسارى ەرجان باباقۇماروۆ, قر پارلامەنتٸ مەجٸلٸسٸنٸڭ دەپۋتاتى زەۋرەش امانجولوۆا, قر بالالار قۇقىعىن قورعاۋ جٶنٸندەگٸ ۋەكٸل ارۋجان ساين, ٷكٸمەتتٸك ەمەس سەكتوردىڭ, كەسٸپوداقتاردىڭ, مەديتسينالىق ۇيىمداردىڭ مٷشەلەرٸ, دەنساۋلىق ساقتاۋ سالاسىنداعى ساراپشىلار, قوعام بەلسەندٸلەرٸ جەنە بۇقارالىق اقپارات قۇرالدارىنىڭ ٶكٸلدەرٸ قاتىستى.
الماتى قالاسى ەكٸمٸنٸڭ ورىنباسارى ەرجان باباقۇماروۆ مەملەكەت دەنساۋلىق ساقتاۋ سالاسىنا ەرەكشە نازار اۋدارىپ وتىرعانىن اتاپ ٶتتٸ.
ال سپيكەرلەر قازٸر قوعامدا قىزۋ تالقىلانىپ جاتقان جاڭا كودەكسكە ەنگٸزٸلگەن ٶزگەرٸستەر تۋرالى بايانداما جاسادى.
«بٷگٸن مەملەكەتٸمٸزدٸڭ ەر ازاماتى ٷشٸن اسا ماڭىزدى قۇجاتتى تالقىلاۋعا جينالىپ وتىرسىزدار. بۇل ٶتە ماڭىزدى, قاجەتتٸ قۇجات. وسى باعىتتا بٸزدە مەجٸلٸستە ارنايى جۇمىس توبى قۇرىلدى, 24 وتىرىس ٶتكٸزدٸك. بٷگٸنگٸ كٷنگە دەيٸن 791 ۇسىنىس بەرٸلدٸ. ونىڭ 600-گە جۋىعى قابىلداندى, 200-گە جۋىعى جۇمىس ٷستٸندە. مۇنىڭ بارلىعى بۇل زاڭنىڭ ٶزەكتٸلٸگٸن كٶرسەتسە كەرەك. بٸزدٸڭ دەپۋتاتتار ٶڭٸرلەرگە دە شىعىپ, پٸكٸر جينادى, ولاردى ۇسىنىس رەتٸندە ايتتى», - دەدٸ قر پارلامەنتٸ مەجٸلٸسٸنٸڭ دەپۋتاتى زەۋرەش امانجولوۆا.
ايتا كەتۋ كەرەك, كودەكستٸڭ جاڭا جوباسىندا ەلەمدٸك تەجٸريبە نەگٸزٸندە ددۇ ۇسىنىمدارىنا سەيكەس ٶزگەرٸستەر ەنگٸزٸلدٸ.
«بٷگٸنگٸ ماڭىزدى وتىرىسقا جينالىپ, ٶتە ٶزەكتٸ مەسەلەلەردٸ تالقىلاۋعا كەلگەندەرٸڭٸزگە قۋانىشتىمىن. بۇل, ەر ازاماتقا قاتىسى بار قۇقىقتىق نورماتيۆتٸك قۇجات. كودەكستٸڭ جوباسى العاش رەت دەنساۋلىق ساقتاۋ مينيسترلٸگٸنٸڭ سايتىندا بٸر جىل بۇرىن جارييالاندى. وسىمەن ونىنشى قوعامدىق تىڭداۋ ٶتۋدە. بٷگٸندە ٷش مىڭنان استام تٷزەتۋ مەن ۇسىنىس جينادىق. ەسٸرەسە, حالىقتىڭ پٸكٸرٸنە سٷيەنٸپ كودەكسكە تٷزەتۋلەر ەنگٸزۋگە كٶمەكتەسكەن قر پارلامەنتٸ مەجٸلٸسٸ جانىنداعى جۇمىس توبىنا, ٷەۇ-لارعا العىس ايتقىم كەلەدٸ», - دەدٸ دەنساۋلىق ساقتاۋ مينيسترٸ ەلجان بٸرتانوۆ.
جيىن بارىسىندا ەكپە الۋ, مەديتسينالىق كٶمەكتٸڭ قولجەتٸمدٸلٸگٸ مەن ساپاسىن ارتتىرۋ, جاستاردىڭ جىنىستىق ساۋاتىن ارتتىرۋ, مەديتسينالىق قىزمەتتەردٸڭ ساپاسىنا باقىلاۋدى كٷشەيتۋ, مەديتسينالىق كادرلاردى دايارلاۋ ساپاسىن ارتتىرۋ, مەديتسينالىق پۋنكتەردٸ دامىتۋ, دەنساۋلىق ساقتاۋدى تسيفرلاندىرۋ مەسەلەلەرٸ كٶتەرٸلدٸ.
