«Qazaqstannyń Halyq banki» AQ «Qazkommertsbank» AQ-nyń aktsiialar paketin satyp alýǵa niet bildirdi, dep habarlaidy Qazaqstannyń Ulttyq banki.
Qarjylyq turaqtylyqty qamtamasyz etý jáne bank sektoryn qalypqa keltirý maqsatynda 2017 jylǵy 2 naýryzda QR Úkimeti, QR Ulttyq Banki, "Samuryq-Qazyna" UÁQ" AQ, "Problemalyq kreditter qory" AQ, "Kazkommertsbank" AQ jáne onyń iri aktsionerleri, "Qazaqstannyń Halyq banki" AQ jáne "BTA Bank" AQ arasyndaǵy Ózara túsinistik týraly memorandýmǵa (budan ári – Memorandým) qol qoiyldy.
Memorandýmǵa sáikes "Qazaqstannyń Halyq banki" AQ "Kazkommertsbank" AQ-tyń aktsiialar paketin satyp alýǵa nietti. Óz kezeginde, "Kazkommertsbank" AQ-tyń aktsiialar paketin satyp alý jónindegi áleýetti mámileni iske asyrý úshin QR Úkimeti jáne QR Ulttyq Banki "Problemalyq kreditter qory" AQ-tyń problemalyq aktivterdi satyp alýy jolymen qarjylyq qoldaý kórsetýge niettenip otyr.
Osyǵan deiin QR Ulttyq Banki bankterdiń menedjmenti men aktsionerleri "Qazaqstannyń Halyq banki" AQ pen "Kazkommertsbank" AQ arasyndaǵy kelissózder protsesteriniń bastalǵany týraly habardar etildi.
