Áleýmettik jeli jáne birqatar saittarda Qazaqstan Halyq bankiniń bankomattary qytai tilinde qyzmet kórsetýdi bastady degen aqparatqa bank óz tarapynan kelesidei jaýap beredi.
Halyq banktiń klientteri China UnionPay qytaidyń halyqaralyq tólem júiesiniń kartalaryn qoldanýyna bailanysty, ataýly tólem júiesi shyǵarǵan kartalar arqyly bankomattarda qolma-qol aqsha qarajatyn alý tranzaktsiiasy jii júrgizilý esebinen, tek klientterge yńǵaily bolý maqsatynda qosymsha qytai tili engizilgen. Bank bankomattary qytai tilinde 2006 jyldan bastap qyzmet kórsetýde. Qazirgi tańda banktiń kez kelgen klienti bankomatta ózine yńǵaily 4 tildiń birin tańdap qyzmetti tutyna alady. Atap aitsaq:
1. Qazaq tilinde
2. Orys tilinde
3. Aǵylshyn tilinde
4. Qytai tilinde
2018 jylǵy maýsym aiynyń 22 juldyzynda, iaǵni búgin, tańǵy saǵat 8 shamasynda Ótegen batyr 82A mekenjaiynda ornalasqan bank bankomatynda, klienttiń qazaq tilin tańdaý barysynda ókinishke orai tehnikalyq aqaýlar oryn alyp, avtomatty túrde qytai tiliniń tańdalýy jaiynda áleýmettik jelidegi banktiń resmi paraqshasyna shaǵym kelip túsken bolatyn. Oryn alǵan olqylyq tiisti bólimge shuǵyl joldanyp, tolyqtai bul másele túzetildi. Qazirgi ýaqytta meńzegen bankomat esh aqaýsyz qalypty túrde qyzmet atqarýda.
Sondai-aq, ataýly jaǵdai tek bir ǵana bankomatta baiqalǵanyn aita keteiik jáne aldaǵy ýaqytta osy syndy keleńsizdikti boldyrmaý maqsatynda elimizdiń barlyq óńirinde ornalasqan bankomattardy tekserý jumystary júrgizilýde.
