Foto: Instagram/assanali.ashimov
Kino jáne teatr akteri, rejisser, Qazaq KSR halyq ártisi Asanáli Áshimov ómirden ótti, dep habarlaidy Ult.kz.
Akterdiń qazasy jaily áleýmettik jelide ziialy qaýym ókilderi de jazyp, estelikterin bólise bastady.
Asanáli Áshimuly Áshimov (1937 jyly 8 mamyrda Jambyl oblysy, Sarysý aýdany, Jaiylmada týǵan) – keńestik jáne qazaqstandyq kino jáne teatr akteri, kino jáne teatr rejisseri, teatr pedagogy, professor. Qazaq KSR halyq artisi (1976), KSRO halyq artisi (1980). Qazaq KSR memlekettik syilyǵynyń laýreaty (1973), KSRO memlekettik syilyǵynyń laýreaty (1974).
Qazaqstan teatrlar assotsiatsiiasynyń prezidenti. Muhtar Áýezov atyndaǵy Qazaq memlekettik akademiialyq drama teatrynyń kórkemdik jetekshisi. Qazaqstannyń Eńbek Eri (2017).
Muhtar Áýezov atyndaǵy Qazaq memlekettik akademiialyq drama teatry sahnasynda: M. Áýezovtiń "Abaiynda" Kerim, "Eńlik-Kebeginde" Kebek, "Qara qypshaq Qobylandysynda" Aishýaq, "Tańǵy jańǵyryǵynda" Jarasbai, Ǵ. Músirepovtiń "Qozy Kórpesh-Baian sulýynda" Qodar, Q. Muhamedjanov, Sh. Aitmatovtyń "Kóktóbedegi kezdesýinde" Iosif Tataevich, Shekspirdiń "Iýlii Tsezarinde" Iýlii Tsezar, M. Frishtiń "Don Jýannyń dýmanynda" Don Jýan, Á. Nurpeiisovtiń "Qan men terinde" Elaman, I. Vovniankonyń "Apatynda" bas keiipker, taǵy da basqa kóptegen qoiylymda kórnekti akterdiń aishyqty ónegesi men órnekti izi jatyr. Al, A. Áshimovtiń qara shańyraq sahnasyndaǵy sońǵy kúrdeli jumysy G. Gaýptmannyń "Ymyrttaǵy mahabbat" dramasyndaǵy doktor Klaýzen. jáne t.b kóptegen beinelerdi somdady.
