Qazaqstannyń halyq aqyny, belgili aitysker Qonysbai Ábil kóz jumdy. Bul týraly Jazýshylar odaǵynyń basqarma tóraǵasy Ulyqbek Esdáýlet málimdedi, dep habarlaidy "Ult aqparat".

«Bul dúnie ne bolyp ketti?! Astanadan tań bozymen taǵy bir aýyr habar jetti - arqaly aqyn Qonysbai Ábil dúnieden ótipti! Jalǵan-ai!..

Qazaqstannyń Halyq aqyny, ataqty aitysker, alty Alashtyń ardaqtysy, sóz súleii, saiypqyran satirik, qarymdy qalamger, til janashyry, ot aýyzdy, oraq tildi, segiz qyrly, bir syrly asyl azamat bul pániden baqiǵa kóshipti!

Kókiregim qars aiyryla otyryp, marqumnyń otbasyna, aiaýly aqynyn qadirleitin halqymyzǵa kóńil aitamyn. Baqul bol, dosym! Janyń jannatta bolsyn!» - dep jazdy Ulyqbek Esáýlet.