Koronovirýs juqtyryp, densaýlyǵy nasharlaǵan Túrkistan oblysynyń eki turǵyny Shymkent qalasyndaǵy juqpaly aýrýlar aýrýhanasynyń jan saqtaý bólimine jetkizildi. Bul týraly 7 sáýir kúni Shymkent qalalyq densaýlyq saqtaý basqarmasy basshysynyń orynbasary Aigúl Bekbaýova aitty.
Aigúl Bekbaýovanyń sózine qaraǵanda, eki naýqastyń da jaǵdaiy aýyr.
Túrkistan oblysynda koronovirýs juqtyrǵandar sany 33 adamǵa jetti. Olardyń ishinde eki sábi bar. Jetisai aýdany men Badam, Derbes, Eńkes, Qosbulaq, Hanqorǵan jáne Naýryz aýyly jáne úsh aýrýhana men kópqabatty úsh úi karantinge jabylǵan. Oblysta kóshege shyqqandarǵa maska taǵý mindettelgen. Avtovokzaldar men temirjol vokzaly jumysyn toqtatqan. Ondaǵan blokpost qoiylǵan.
4 sáýir kúni Túrkistan oblysy Jetisai qalasynyń 64 jastaǵy turǵyny koronovirýstan qaitys boldy. Jerleý rásimine karantinde jatqan balalary men týystary jiberilmedi. Marqum Almaty qalasynda qonaqta bolyp kelgen soń dene qyzýy kóterilip, dárigerlerge kóringen. Keiin odan koronovirýs tabylyp, 29 naýryzda juqpaly aýrýlar aýrýhanasyna jatqyzylǵan.
Koronavirýs juqtyrǵandar Qazaqstanda 670 adam boldy. 46 adam aiyqqan. 6 adam qaitys bolǵan.
