كورونوۆيرۋس جۇقتىرىپ, دەنساۋلىعى ناشارلاعان تٷركٸستان وبلىسىنىڭ ەكٸ تۇرعىنى شىمكەنت قالاسىنداعى جۇقپالى اۋرۋلار اۋرۋحاناسىنىڭ جان ساقتاۋ بٶلٸمٸنە جەتكٸزٸلدٸ. بۇل تۋرالى 7 سەۋٸر كٷنٸ شىمكەنت قالالىق دەنساۋلىق ساقتاۋ باسقارماسى باسشىسىنىڭ ورىنباسارى ايگٷل بەكباۋوۆا ايتتى.
ايگٷل بەكباۋوۆانىڭ سٶزٸنە قاراعاندا, ەكٸ ناۋقاستىڭ دا جاعدايى اۋىر.
تٷركٸستان وبلىسىندا كورونوۆيرۋس جۇقتىرعاندار سانى 33 ادامعا جەتتٸ. ولاردىڭ ٸشٸندە ەكٸ سەبي بار. جەتٸساي اۋدانى مەن بادام, دەربەس, ەڭكەس, قوسبۇلاق, حانقورعان جەنە ناۋرىز اۋىلى جەنە ٷش اۋرۋحانا مەن كٶپقاباتتى ٷش ٷي كارانتينگە جابىلعان. وبلىستا كٶشەگە شىققاندارعا ماسكا تاعۋ مٸندەتتەلگەن. اۆتوۆوكزالدار مەن تەمٸرجول ۆوكزالى جۇمىسىن توقتاتقان. ونداعان بلوكپوست قويىلعان.
4 سەۋٸر كٷنٸ تٷركٸستان وبلىسى جەتٸساي قالاسىنىڭ 64 جاستاعى تۇرعىنى كورونوۆيرۋستان قايتىس بولدى. جەرلەۋ رەسٸمٸنە كارانتيندە جاتقان بالالارى مەن تۋىستارى جٸبەرٸلمەدٸ. مارقۇم الماتى قالاسىندا قوناقتا بولىپ كەلگەن سوڭ دەنە قىزۋى كٶتەرٸلٸپ, دەرٸگەرلەرگە كٶرٸنگەن. كەيٸن ودان كورونوۆيرۋس تابىلىپ, 29 ناۋرىزدا جۇقپالى اۋرۋلار اۋرۋحاناسىنا جاتقىزىلعان.
كوروناۆيرۋس جۇقتىرعاندار قازاقستاندا 670 ادام بولدى. 46 ادام ايىققان. 6 ادام قايتىس بولعان.
