Foto: ©️ Tengrinews.kz/Turar Qazanǵapov
"VKontakte" áleýmettik jelisi men Telegram messendjeriniń negizin qalaýshy Pavel Dýrov qoldanýshylarǵa WhatsApp-ty óshirýge keńes berdi, - dep habarlaidy Tengrinews.kz.
Dýrov Telegram-arnasynda WhatsApp hakerlerge qoldanýshylardyń telefonyndaǵy barlyq deregin alýǵa múmkindik beretinin aitty.
"Hakerge telefonyńyzdy buzyp alý úshin video jiberse nemese WhatsApp-ta sizge videoqońyraý shalsa bolǵany. (...) Dál osyndai másele WhatsApp-ta 2018 jyly, sodan keiin taǵy 2019 jyly, taǵy 2020 jyly bolǵan. Iá, buǵan deiin 2017 jyly da boldy. 2016 jylǵa deiin WhatsApp-ta shifrlaý múlde bolǵan joq. Jyl saiyn WhatsApp-ta qoldanýshylardyń barlyq qurylǵysyna qaýip tóndiretin qandai da bir másele týyndaǵanyn estip jatamyz. Bul qaýipsizdik júiesinde jańa aqaý bar ekenin bildiredi", - dep jazdy Dýrov.
Ol adamdardy Telegram-ǵa aýysýǵa itermelemeitinin túsindirdi.
"Ózińizge unaityn kez kelgen habar almasý qoldanbasyn paidalana alasyz, biraq WhatsApp-tan aýlaq bolyńyz, ol 13 jyl boiy baqylaý quraly boldy. (...) Ony ornatsańyz, telefonyńyzdy buzyp alý qiynǵa soqpaidy", - dedi Dýrov.
