فوتو: ©️ Tengrinews.kz/تۇرار قازانعاپوۆ
"ۆكونتاكتە" ەلەۋمەتتٸك جەلٸسٸ مەن Telegram مەسسەندجەرٸنٸڭ نەگٸزٸن قالاۋشى پاۆەل دۋروۆ قولدانۋشىلارعا WhatsApp-تى ٶشٸرۋگە كەڭەس بەردٸ, - دەپ حابارلايدى Tengrinews.kz.
دۋروۆ Telegram-ارناسىندا WhatsApp حاكەرلەرگە قولدانۋشىلاردىڭ تەلەفونىنداعى بارلىق دەرەگٸن الۋعا مٷمكٸندٸك بەرەتٸنٸن ايتتى.
"حاكەرگە تەلەفونىڭىزدى بۇزىپ الۋ ٷشٸن ۆيدەو جٸبەرسە نەمەسە WhatsApp-تا سٸزگە ۆيدەوقوڭىراۋ شالسا بولعانى. (...) دەل وسىنداي مەسەلە WhatsApp-تا 2018 جىلى, سودان كەيٸن تاعى 2019 جىلى, تاعى 2020 جىلى بولعان. يە, بۇعان دەيٸن 2017 جىلى دا بولدى. 2016 جىلعا دەيٸن WhatsApp-تا شيفرلاۋ مٷلدە بولعان جوق. جىل سايىن WhatsApp-تا قولدانۋشىلاردىڭ بارلىق قۇرىلعىسىنا قاۋٸپ تٶندٸرەتٸن قانداي دا بٸر مەسەلە تۋىنداعانىن ەستٸپ جاتامىز. بۇل قاۋٸپسٸزدٸك جٷيەسٸندە جاڭا اقاۋ بار ەكەنٸن بٸلدٸرەدٸ", - دەپ جازدى دۋروۆ.
ول ادامداردى Telegram-عا اۋىسۋعا يتەرمەلەمەيتٸنٸن تٷسٸندٸردٸ.
"ٶزٸڭٸزگە ۇنايتىن كەز كەلگەن حابار الماسۋ قولدانباسىن پايدالانا الاسىز, بٸراق WhatsApp-تان اۋلاق بولىڭىز, ول 13 جىل بويى باقىلاۋ قۇرالى بولدى. (...) ونى ورناتساڭىز, تەلەفونىڭىزدى بۇزىپ الۋ قيىنعا سوقپايدى", - دەدٸ دۋروۆ.
