Búgin Grýziiada 2 myńnan astam internet-saitqa kibershabýyl jasaldy. Olardyń arasynda memlekettik mekemelerdiń, sottardyń, úkimettik emes uiymdardyń, BAQ-tar men jeke kompaniialardyń saittary bar. Bul týraly Novosti-Grýzii agenttigi habarlady.
Hakerler Grýziia Prezidenti ákimshiliginiń www.president.gov.ge veb-portalyn da nysanaǵa alǵan. Olar saittyń alǵashqy betine Mihail Saakashvilidiń sýretin ornalastyryp, astyna aǵylshyn tilinde «Men oralamyn» (I’ll be back) dep jazyp qoiǵan. Qazir sait múldem ashylmaidy.
Grýziianyń úshinshi prezidenti Mihail Saakashvili 2013 jyly el basshylyǵyndaǵy ekinshi merziminen keiin laýazymynan ketken edi. Saakashvili merziminiń sońǵy jylynda oppozitsiialyq milliarder Bidzina Ivanishvilidiń «Grýzin armany» koalitsiiasy parlamenttik sailaýda jeńiske jetken bolatyn. Sodan beri Saakashvili qurǵan «Birtutas ulttyq qozǵalys» Grýziiadaǵy eń iri oppozitsiialyq partiia bolyp otyr.
Saakashvili Ýkrainada saiasatpen ainalysyp júrse de, eline oralatyny týraly jii aitady. Biraq ony «laýazymyn asyra paidalandy» dep, Grýziia biligi syrttai sottap jibergen.
