Politsiia qyzmetkerleri habar-osharsyz ketken elorda turǵynynyń ornalasqan jerin anyqtady, dep habarlaidy "Ult aqparat" Astana qalasynyń politsiia Departamentine silteme jasap.
"Astana qalasy PD kriminaldyq politsiia qyzmetkerleri jedel-izdestirý is-sharalaryn júrgizý barysynda Almaty oblysy Qarasai aýdany Irgeli kentindegi kompiýterlik klýbta habar-osharsyz ketken astanalyqty anyqtady" - delingen habarlamada.
Buǵan deiin “Baiqońyr” aýdany PB-ǵa elorda turǵyny júginip, jalǵa alynǵan “Chevrolet Cobalt” markaly avtokólikpen úiden jeke tasymaldaýmen ainalysýǵa ketken 18 jasar ulyn izdestirýge járdemdesý týraly ótinish bildirgen.
Jas jigitti izdeýge Astana qalasy PD jeke quramy men qosymsha kúshter baǵyttalǵan.
"Adamdardyń jappai shoǵyrlaný oryndary, jataqhanalar men qonaq úiler tekserildi, habar-osharsyz ketken adamnyń aralasatyn ortasy ornatyldy, beinebaqylaý kameralary qaraldy. Tekserý barysynda onyń Astana qalasynan Qaraǵandy qalasyna shyǵyp, keiin Almaty oblysyna kelgeni anyqtaldy" - delingen departament baspasóz qyzmetiniń habarlamasynda.
