پوليتسييا قىزمەتكەرلەرٸ حابار-وشارسىز كەتكەن ەلوردا تۇرعىنىنىڭ ورنالاسقان جەرٸن انىقتادى, دەپ حابارلايدى "ۇلت اقپارات" استانا قالاسىنىڭ پوليتسييا دەپارتامەنتٸنە سٸلتەمە جاساپ.
"استانا قالاسى پد كريمينالدىق پوليتسييا قىزمەتكەرلەرٸ جەدەل-ٸزدەستٸرۋ ٸس-شارالارىن جٷرگٸزۋ بارىسىندا الماتى وبلىسى قاراساي اۋدانى ٸرگەلٸ كەنتٸندەگٸ كومپيۋتەرلٸك كلۋبتا حابار-وشارسىز كەتكەن استانالىقتى انىقتادى" - دەلٸنگەن حابارلامادا.
بۇعان دەيٸن “بايقوڭىر” اۋدانى پب-عا ەلوردا تۇرعىنى جٷگٸنٸپ, جالعا الىنعان “Chevrolet Cobalt” ماركالى اۆتوكٶلٸكپەن ٷيدەن جەكە تاسىمالداۋمەن اينالىسۋعا كەتكەن 18 جاسار ۇلىن ٸزدەستٸرۋگە جەردەمدەسۋ تۋرالى ٶتٸنٸش بٸلدٸرگەن.
جاس جٸگٸتتٸ ٸزدەۋگە استانا قالاسى پد جەكە قۇرامى مەن قوسىمشا كٷشتەر باعىتتالعان.
"ادامداردىڭ جاپپاي شوعىرلانۋ ورىندارى, جاتاقحانالار مەن قوناق ٷيلەر تەكسەرٸلدٸ, حابار-وشارسىز كەتكەن ادامنىڭ ارالاساتىن ورتاسى ورناتىلدى, بەينەباقىلاۋ كامەرالارى قارالدى. تەكسەرۋ بارىسىندا ونىڭ استانا قالاسىنان قاراعاندى قالاسىنا شىعىپ, كەيٸن الماتى وبلىسىنا كەلگەنٸ انىقتالدى" - دەلٸنگەن دەپارتامەنت باسپاسٶز قىزمەتٸنٸڭ حابارلاماسىندا.
