«Habar» Agenttigi 2016 jyldyń 7 qyrkúieginen bastap Rinat Kertaev «Habar» Agenttigi» AQ Basqarma tóraiymynyń orynbasary qyzmetine, al Sandýǵash Rahymjanova «Habar» arnasynyń direktory qyzmetine taǵaiyndalǵandyǵyn habarlaidy.
«Agenttik transformatsiiadan ótip jatqan tusta bul qyzmetke taǵaiyndalý úlken jaýapkershilik ekeni sózsiz. Aldymyzda kúrdeli mindetter tur, biraq bizdiń naqty josparlarymyz bar jáne batyl qimyldarǵa kóshpekpiz», - deidi Rinat Kertaev.
Rinat Dýmanuly Kertaev 1983 jyly 23 sáýir kúni Jambyl oblysynda dúniege kelgen. 2005 jyly Ál-Farabi atyndaǵy Qazaq Ulttyq ýniversitetiniń «Qoǵammen bailanys» mamandyǵyn bitirgen. «Habar» Agenttigindegi eńbek joly 2006 jyly qazaq tilindegi oiyn-saýyq baǵdarlamalar redaktsiiasynyń prodiýseri retinde bastalady. 2010 jyldan 2011 jylǵa deiin jańalyqtar bóliminde sarapshy-redaktor boldy. QR Investitsiialar jáne damý ministrliginiń «Aqparat salasynyń úzdigi» tósbelgisi, memlekettik «Daryn» syilyǵy, «Baspa jáne aqparatty damytýdaǵy eńbegi úshin» TMD Parlamentaralyq Assambleiasynyń tósbelgisimen marapattalǵan, sondai-aq QR Prezidenti Grantynyń iegeri. Buǵan deiin «Habar» arnasynyń direktory qyzmetin atqardy.
«Birneshe jyl jumys istep kelejatqan arnany basqarý bir jaǵynan qýanysh bolsa, ekinshi jaǵynan tolqý týdyrady. «Habar» arnasynyń búkil ujymy kúzgi telemaýsymǵa bar kúshimen daiyndaldy. Aldymyzda qyzyqty jáne san alýan jobalar kútip tur, olardyń arasynan ár kórermen ózine qajettisin tabady» - deidi Sandýǵash Rahymjanova.
Sandýǵash Rahymjanova 1983 jyly 5 qyrkúiek kúni Qaraǵandy qalasynda dúniege kelgen. 2004 jyly Ál-Farabi atyndaǵy Qazaq Ulttyq ýniversitetiniń «Jýrnalistika» mamandyǵyn támamdaǵan. 2006 jyly M.Lomonosov atyndaǵy Máskeý memlekettik ýniversitetinde magistr dárejesin alǵan. «Habar» arnasyndaǵy eńbek ótilin 2012 jyly marketolog-taldaýshy retinde bastaǵan. 2013 jyly «Habar» arnasynyń baǵdarlamalar derektsiiasynyń basshysy bolyp taǵaiyndalady. 2016 jyldyń shildesinen bastap «Habar» arnasy direktorynyń orynbasary laýazymynda boldy.
