Qazaqstan fýtbol federatsiiasy jankúierlerdiń tártipsizdigine bailanysty ÝEFA-ǵa aiyppul tóleidi, dep habarlaidy "Ult aqparat" QFF baspasóz qyzmetine silteme jasap.
"ÝEFA Ulttar Ligasynyń aiasynda ótken Qazaqstan - Slovakiia oiynynda bizdiń jankúierler QFF tarapynan qoǵamdyq tártip pen jarys erejelerin saqtaýǵa qatysty aitqan úndeýlerine qaramastan, tribýnadan jasyl alańǵa ártúrli zattar laqtyrdy.
Bul árketter match delegatynyń esebine tirkelip, ÝEFA tártiptik-baqylaý jáne ádep instatsiiasynyń jiynynda qaraldy. Onyń qorytyndysy boiynsha Qazaqstan fýtbol federatsiiasyna 11 625 eýro aiyppul salyndy.
Qazaqstan fýtbol federatsiiasy jankúierlik mádenietti tanytyp, oiynǵa qatysýshylar men uiymdastyrýshylardy, sonymen qatar stadiondaǵy ózge de jankúierlerdi qurmetteýge shaqyrady" - delingen habarlamada.
Joǵaryda atalǵan sanktsiia Federatsiiaǵa qatysty osy maýsymda ekinshi ret qoldanylyp otyr. Eger mundai jaǵdailar jalǵasatyn bolsa, onda ÝEFA tarapynan "jankúierlerdi oiynǵa qatystyrmaý" syndy qatań jazalar qoldanylýy yqtimal.
