قازاقستان فۋتبول فەدەراتسيياسى جانكٷيەرلەردٸڭ تەرتٸپسٸزدٸگٸنە بايلانىستى ۋەفا-عا ايىپپۇل تٶلەيدٸ, دەپ حابارلايدى "ۇلت اقپارات" قفف باسپاسٶز قىزمەتٸنە سٸلتەمە جاساپ.
"ۋەفا ۇلتتار ليگاسىنىڭ اياسىندا ٶتكەن قازاقستان - سلوۆاكييا ويىنىندا بٸزدٸڭ جانكٷيەرلەر قفف تاراپىنان قوعامدىق تەرتٸپ پەن جارىس ەرەجەلەرٸن ساقتاۋعا قاتىستى ايتقان ٷندەۋلەرٸنە قاراماستان, تريبۋنادان جاسىل الاڭعا ەرتٷرلٸ زاتتار لاقتىردى.
بۇل ەركەتتەر ماتچ دەلەگاتىنىڭ ەسەبٸنە تٸركەلٸپ, ۋەفا تەرتٸپتٸك-باقىلاۋ جەنە ەدەپ ينستاتسيياسىنىڭ جيىنىندا قارالدى. ونىڭ قورىتىندىسى بويىنشا قازاقستان فۋتبول فەدەراتسيياسىنا 11 625 ەۋرو ايىپپۇل سالىندى.
قازاقستان فۋتبول فەدەراتسيياسى جانكٷيەرلٸك مەدەنيەتتٸ تانىتىپ, ويىنعا قاتىسۋشىلار مەن ۇيىمداستىرۋشىلاردى, سونىمەن قاتار ستاديونداعى ٶزگە دە جانكٷيەرلەردٸ قۇرمەتتەۋگە شاقىرادى" - دەلٸنگەن حابارلامادا.
جوعارىدا اتالعان سانكتسييا فەدەراتسيياعا قاتىستى وسى ماۋسىمدا ەكٸنشٸ رەت قولدانىلىپ وتىر. ەگەر مۇنداي جاعدايلار جالعاساتىن بولسا, وندا ۋەفا تاراپىنان "جانكٷيەرلەردٸ ويىنعا قاتىستىرماۋ" سىندى قاتاڭ جازالار قولدانىلۋى ىقتيمال.
