Kezekshi synyptarda sabaq ýaqytyn qysqartýǵa bolmaidy. Bul týraly Ortalyq kommýnikatsiialar qyzmetindegi baspasóz máslihatynda QR Bilim jáne ǵylym ministri Ashat Aimaǵambetov aitty, dep habarlaidy "Ult aqparat".
«Bizde ádistemelik usynys bar. Kezekshi synyptardaǵy sabaq uzaqtyǵy 40 minýtty quraýy tiistigine usynys bar ekendigi jaiynda aityp otyrmyz. Sondyqtan eger de sabaq ýaqytyn qysqartatyn mektepter bar bolatyn bolsa, onda biz olarmen túsindirý jumystaryn júrgizemiz», - dedi ministr BAQ ókilderiniń saýalyna orai.
Sonymen qatar ol bul jaǵdaidyń mán-jaiyn anyqtaityndyǵyn basa aitty.
«Keibir áriptesterimiz kezekshi synyptardy 1 saǵatqa syidyrýǵa tyryssa, onda mundai kezekshi synyptarda sabaq ótkizýdiń máni joq. Bul ata-analar úshin de qolaisyzdyq týdyrady. Eger ata-ana balasyn alyp kelip, bir saǵattan soń alyp ketýi tiis bolsa, onyń ústine biz úlgilik oqý baǵdarlamasyn igerýi qajettigin aitsaq, onda bul durys emes. Sol sebepti tiisti jumystardy áriptesterimizden qaitadan júrgizetin bolamyz», - dedi Ashat Aimaǵambetov.
