QR Densaýlyq saqtaý vitse-ministri Ajar Ǵiniiat kezekshi synyptaǵy balalardy qashyqtan oqytýǵa kóshirý múmkindigine qatysty aitty, dep habarlaidy QazAqparat.
«Bastaýysh synyptar mektepke (kezekshi synyptarǵa) ata-analardyń ótinishimen barǵan bolatyn. Qazir balalar mektepterde sanitarlyq talaptarǵa sáikes oqyp jatyr. Aýamen taralatyn infektsiia bolǵandyqtan (koronavirýs), balalar arasynda osy indet baiqalýda. Eger synyp ishinde bir bala aýyrǵan bolsa, tutas synyp karantinge jabylady», - dedi Ajar Ǵiniiat Ortalyq kommýnikatsiialar qyzmetindegi baspasóz máslihatynda .
Sonymen qatar vitse-ministr balalar birinshi toqsandy kezekshi synyptarda oqýdy jalǵastyratynyn atap ótti.
«Qazir birinshi toqsannyń aiaqtalýyna bir ai ýaqyt qalǵandyqtan, balalardyń birinshi toqsandy bitirýin kútip otyrmyz. Sodan keiin epidemiologiialyq jaǵdaiǵa bailanysty tiisti sheshim qabyldanady», - dedi vitse-ministr.
