قر دەنساۋلىق ساقتاۋ ۆيتسە-مينيسترٸ اجار عينييات كەزەكشٸ سىنىپتاعى بالالاردى قاشىقتان وقىتۋعا كٶشٸرۋ مٷمكٸندٸگٸنە قاتىستى ايتتى, دەپ حابارلايدى قازاقپارات.
«باستاۋىش سىنىپتار مەكتەپكە (كەزەكشٸ سىنىپتارعا) اتا-انالاردىڭ ٶتٸنٸشٸمەن بارعان بولاتىن. قازٸر بالالار مەكتەپتەردە سانيتارلىق تالاپتارعا سەيكەس وقىپ جاتىر. اۋامەن تارالاتىن ينفەكتسييا بولعاندىقتان (كوروناۆيرۋس), بالالار اراسىندا وسى ٸندەت بايقالۋدا. ەگەر سىنىپ ٸشٸندە بٸر بالا اۋىرعان بولسا, تۇتاس سىنىپ كارانتينگە جابىلادى», - دەدٸ اجار عينييات ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا .
سونىمەن قاتار ۆيتسە-مينيستر بالالار بٸرٸنشٸ توقساندى كەزەكشٸ سىنىپتاردا وقۋدى جالعاستىراتىنىن اتاپ ٶتتٸ.
«قازٸر بٸرٸنشٸ توقساننىڭ اياقتالۋىنا بٸر اي ۋاقىت قالعاندىقتان, بالالاردىڭ بٸرٸنشٸ توقساندى بٸتٸرۋٸن كٷتٸپ وتىرمىز. سودان كەيٸن ەپيدەميولوگييالىق جاعدايعا بايلانىستى تيٸستٸ شەشٸم قابىلدانادى», - دەدٸ ۆيتسە-مينيستر.
