Nur Otan partiiasynyń ataýy "Amanat" bolyp ózgeredi. Búgin partiianyń kezekten tys ótken XXII Sezinde osyndai sheshim qabyldandy. Sondai-aq, partiia jumysy da tolyqqandy jańǵyratyn bolady.
Atalǵan ózgerister qoǵamda qyzý talqylanyp jatyr. Saiasattanýshy, QSZI bólim basshysy Indira Rystinanyń pikirinshe, kez kelgen partiianyń basty kúshi – halyq. Partiianyń bar bolýy da halyqqa bailanysty. Halyqtyń muń-muqtajyn jetkizý - partiianyń basty maqsaty.
«Partiia, búgin usynǵan modernizatsiia josparyna sai, halyq únin estýge jáne ony bilik instiýttaryna jetkizý qyzmetin birinshi kezekke qoiyp otyr. Mysaly:
- keri bailanys jasaý quraldarynyń tiimdiligin arttyrý,
- shet aimaqtarǵa partiialyq qabyldaý alańdarynyń shyǵýy,
- qoǵamdaǵy ahýaldy baǵalaý úshin qurylǵan «Áleýmet» jobasy,
- azamattardyń usynystarynyń onlain formatta baqylai alyýn eńgizilýi.
Partiianyń aýditoriiasy keń, músheleri kóp, elektoraty bar. Partiia osy aýditoriianyń oiyn jinap, máselelerdi saralap, ókiletti kanaldary arqyly sheshýge baǵyttalǵan jumysty turaqty negizge qoiatyn bolsa, qoǵamdaǵy kóptegen qyzý núktelerdi azaita alady», - dep jazdy Rystina óziniń Facebook-paraqshasynda.
