Halyq batyryn dáriptep, erlik isin keleshek urpaqqa nasihattaý maqsatynda Amangeldi aýdany ákimdigi men «Amangeldi» qoǵamdyq qory «Keiki batyr» atty respýblikalyq aqyndar múshairasyn uiymdastyrady. Baiqaý respýblikalyq deńgeide ótkiziledi.
Eli men jeri úshin janyn pida etken batyrdy keiingi urpaqtyń sanasyna sińirip, talantty jandardyń aqyndyq qabiletin shyńdap, óz shyǵarmashylyǵyn kórsetýge múmkindik berý maqsatynda uiymdastyrylǵan baiqaýdyń mynandai sharttary bar:
- Óleńder kólemi 15 shýmaqtan kem bolmaýy tiis;
- Óleń joldary, avtordyń tolyq aty-jóni jáne ózi týraly qysqasha málimet fotosýretimen, bailanys telefondary kompiýterde 14-ólshemdi (Microsoft Word – Times New Roman) áripterimen terilip, elektrondy jáne qaǵaz nusqada joldanylýy tiis.- Baiqaýǵa 16 jastan joǵary úmitkerler qatysa alady.
Baiqaýǵa materialdar 2017 jyldyń 20 maýsymyna deiin qabyldanady.
Baiqaý jeńimpazdaryn anyqtaý maqsatynda arnaiy komissiia qurylady.
Ol túsken shyǵarmalardy jan-jaqty qarap, óleń mazmunyna basa nazar aýdaryp, úzdik dep tanylǵan óleńderdi iriktep alady.
Qorytyndy is-shara 2017 jyldyń shilde aiynyń II onkúndiginde ótkiziledi.
Baiqaýǵa qatysýshylar arnaiy diplommen marapattalady, jeńimpazdarǵa aqshalai syilyqtar tabys etiledi:
I oryn – 300 000 teńge;
II oryn – 200 000 teńge;
III oryn – 100 000 teńge.
Baiqaýǵa barlyq qatysýshylardyń óleńderinen arnaiy jinaq shyǵarylyp, ol Keiki batyrdyń súiegin jerleý rásimi ótkiziletin is-shara qatysýshylaryna taratylatyn bolady.
Múshairaǵa qatysýshylardyń materialdary 2017 jyldyń 20 maýsymyna deiin Amangeldi aýdanynyń Ishki saiasat bólimine poshtalyq mekenjai boiynsha (Qostanai oblysy, Amangeldi aýdany, Amangeldi selosy, B. Mailin kóshesi, 14 úi, 110200 ind) nemese sayasat_amangeldi@mail.ru elektrondy meken-jaiyna joldanýy tiis.
Qosymsha málimetterdi 8(71440) 22020 telefon nómerine habarlasý arqyly bile alasyzdar.
"Egemen Qazaqstan"
