Foto: ©️ Tengrinews.kz / Álihan Sariev
Qazaqstanda turmystyq zorlyq-zombylyqtan 900-ge jýyq adam qaitys bolǵan. Bul týraly Mádeniet jáne aqparat ministri Aida Balaeva aitty, - dep habarlaidy Tengrinews.kz saity.
"Memleket basshysy turmystyq zorlyq-zombylyqtyń kez kelgen túrine, sonyń ishinde kámeletke tolmaǵandarǵa qatysty qylmystarǵa jazany kúsheitý máselesin únemi kóterip, otbasyndaǵy turmystyq zorlyq-zombylyqtyń aldyn alýdyń tiimdiligin arttyrýǵa erekshe kóńil bólýge shaqyrady.
Bul baǵyttaǵy búgingi statistika kóńil kónshitpeidi. Keiingi tórt jarym jylda 869 adam turmystyq zorlyq-zombylyqtan kóz jumdy. Densaýlyqqa aýyr ziian keltirý boiynsha 2086 oqiǵa tirkeldi. Sondyqtan keshendi profilaktikalyq sharalarǵa erekshe kóńil bólemiz", - dedi ministr Úkimet otyrysynda.
