1 mamyrda Qazaqstanda analizinen koronavirýs anyqtalǵan 2804 adam tirkeldi. Covid pnevmoniiasyn qosqanda 24 adam qaitys bolǵan. Bul týraly Densaýlyq saqtaý ministrligi habarlady.
Virýs juqtyrǵany PTR testimen rastalǵan (KVI+) naýqastar deregi boiynsha, aimaqtardyń kóbinde táýlik kórsetkishi aldyńǵy kúnderdikimen shamalas. Kósh basynda – burynǵysha Almaty (685 naýqas) men Nur-Sultan (429) qalalary.
Almaty jáne Aqtóbe oblystarynda ǵana eleýli ósý baiqalady. 30 sáýirde 210 naýqas anyqtalǵan Almaty oblysynda 1 mamyrda koronavirýspen 275 naýqas tirkelgen. Al Aqtóbede bul kórsetkish 117-den 140-qa jetken.
Qaitys bolǵan 24 adamnyń altaýynda PTR testi teris nátije kórsetken (KVI-). Osylaisha, virýs juqtyrǵany zerthana taldaýymen rastalǵandar sany 325 myńnan asty. Onyń 278,5 myńy jazylǵan.
2 mamyrdaǵy málimet boiynsha, 43 707 adam koronavirýs infektsiiasynan (43 198 KVI+ jáne 509 KVI-) emdelip jatyr. Olardyń ishinde 15 065 patsient statsionarda, 28 642 naýqas ambýlatoriialyq deńgeide em qabyldaýda.
KVI+, KVI- shaldyqqandardyń arasynda:
• 799 adamnyń jaǵdaiy aýyr;
• 177 patsienttiń jaǵdaiy óte aýyr;
• 116 naýqas ÓJJ apparatynda jatyr.
Resmi derek boiynsha, KVI+ naýqastary arasynda barlyǵy 3717 adam qaitys bolǵan. Biraq budan bólek, koronavirýs juqtyrǵany rastalǵan, biraq ózge aýrýdan qaitys boldy degen adamdardyń esebi bar. Densaýlyq saqtaý ministrliginiń málimetinshe, 2020 jylǵy 13 naýryz ben 2021 jylǵy 31 naýryz aralyǵynda 1619 adamnyń ólimi osy esepke jatqyzylǵan.
Qazaqstanda 1 tamyzdan beri diagnozy aýrý belgileri boiynsha qoiylǵan koronavirýs pnevmoniiasynyń esebi júrgizilip keledi. Osy ýaqytqa deiin bul esepke barlyǵy 53 071 naýqas kirgen. Onyń 807-si qaitys bolǵan.
Elde koronavirýs vaktsinasyn salý naýqany 1 aqpanda bastalǵan. 2 mamyrdaǵy derekke qaraǵanda, ekpeniń kemi bir dozasyn alǵandar 1 million 346 myń 900 adamǵa jetken.
Amerikalyq Djons Hopkins ýniversitetiniń dereginshe, osy kúnge deiin álemde koronavirýspen barlyǵy 151 million adam tirkelgen. Onyń 3,1 milliony qaitys bolǵan.
Aimaqtar boiynsha koronavirýs juqtyrǵandardyń tolyq deregi:
