Foto: Orda.kz
Sháken Aimanov atyndaǵy «Qazaqfilm» aktsionerlik qoǵamynyń prezidenti, belgili akter Azamat Satybaldy qyzmetinen ketti, dep habarlaidy "Ult aqparat" Informburo.kz saityna silteme jasap.
"30 shildeden beri Qytaidamyn, munda halyqaralyq jobaǵa qatysamyn. «Qazaqfilmmen» kelisimim aiaqtaldy, ony uzartýdy jón kórmedim. Qazaq akterin birinshi ret osyndai deńgeidegi halyqaralyq jobaǵa shaqyryp otyr. Bul meniń akterlik kareramdaǵy iri qadam, qazaq ónerin halyqaralyq arenaǵa tanystyrý múmkindigine ie boldym. Túsirilimder birneshe ai boiy Qytaida da, Qazaqstanda da ótedi", – deidi Azamat Satybaldy.
Aita keteiik, jaqynda "Qazaqfilm" aldynda "Qazaq animatsiia" shyǵarmashylyq birlestiginiń qyzmetkerleri narazylyq bildirdi. Óitkeni memleketten bólingen tiisti qarajat áli kúnge deiin qyzmetkerlerge berilmegen.
Eks-prezident buǵan deiin qyzmetkerlerdiń talap-aryzyn aiaqtan shalý jáne jala jabý dep esepteitin aitqan edi.
