Reseige salynǵan sanktsiia Qazaqstanǵa taýar jetkizý máselesine áser etpeidi. Básekelestikti qorǵaý jáne damytý agenttiginiń tóraǵasy Serik Jumanǵarinniń aitýynsha, kerisinshe reseilik taýar baǵasy tómendeýi múmkin, - dep habarlaidy Tengrinews.kz.
"Birinshiden, eshkim taýar tasymalyn toqtatqan joq. Kepildik beremin. Qazaqstanǵa eshqandai sanktsiia salynbaidy. Árine, logistikalyq jaǵynan problemalar bar. Olarǵa 2020 jyly naýryzda bastalǵan pandemiiadan beri úirenýimiz kerek edi. Sondyqtan logistikalyq jaǵynan másele ózgerýi múmkin. Qazir birinshi kezekte osy júie boiynsha jumys istelip jatyr", - dep túsindirdi Jumanǵarin Májilis aiasynda jýrnalisterdiń suraqtaryna jaýap berip.
Sonymen qatar, ol Reseige qatysty sanktsiialarǵa bailanysty Qazaqstanda reseilik taýar arzandaýy múmkin ekenin aitty.
"Sanktsiia kezinde keibir taýar túri arzandaýy da múmkin. Óitkeni Resei úshin eksporttaityn memleketpiz. Reseimen aradaǵy syrtqy saýda ainalymy 40 paiyzǵa jýyq bolady. Bul bir jaǵynan jaqsy, biraq sanktsiiaǵa bailanysty keri tustary da bar. Degenmen bul máselede taýar kólemi tómendemeidi", - dep qosty ol.
Básekelestikti qorǵaý jáne damytý agenttigi tóraǵasynyń aitýynsha, bul - baǵam aiyrmashylyǵyna bailanysty bolatyn tabiǵi protsess.
"Birneshe ret aittym, áleýmettik mańyzy bar taýarlardyń 19 túriniń jartysy boiynsha importqa táýeldimiz. Qazir jalǵyz suraq baǵam aiyrmashylyǵyna bailanysty bolyp otyr. Biraq bul - tabiǵi protsess. Ishki óndiristi damytý qajet. Bul - salalyq ministrlikterge qatysty másele", - dep túiindedi Serik Jumanǵarin.
