«Ulttyq ǵylymi kardiohirýrgiia ortalyǵy» AQ basqarmasy tóraǵasynyń mindetin atqarýshy Mahabbat Bekbosynova keibir naýqastarda koronavirýs infektsiiasynan keiin qant diabeti paida bolǵanyn aitty, dep habarlaidy QazAqparat.
«Shyn máninde bul problema barsha álemniń ǵalymdaryn alańdatyp otyr. Osy oraida koronavirýsqa deiin bolǵan qant diabetin aityp turmyn. Koronavirýstan keiin qant diabetin qalai emdeý kerek? Qant diabeti alǵash ret paida bolǵan patsientter toby bar, olarda koronavirýs infektsiiasyna deiin bul aýrýǵa shaldyǵýǵa negiz bolmaǵan edi. Qazirgi kezde halyqaralyq registr bar, oǵan koronavirýstan keiin alǵash qant diabetimen aýyrǵan patsientterdiń barlyǵy engiziledi. Bul sharalar osy diabettiń patogenezin túsiný úshin jáne ony emdeý joldaryn aiqyndaý turǵysynda qajet», - dedi dáriger.
Onyń sózine qaraǵanda, koronavirýstan nevrologiialyq saldary da tirkelýde.
«Bul óz kezeginde koronavirýspen aýyrǵan aýdamdardy qatty alańdatyp otyr. Sondyqtan bul baǵyttaǵy em-dom sharalary zerttelýde», - dedi Mahabbat Bekbosynova.
Budan buryn habarlanǵandai, M. Bekbosynova koronavirýsqa qarsy dárilik preparattardy tek dárigerler taǵaiyndaýy kerektigin aitty.
«Dárigerler efirde qandai da bir preparattardyń ataýyn jariialaǵanǵa qarsymyn. Sebebi muny halyq durys qabyldamaityn jaǵdailar kezdesedi. Bizdiń suhbattarymyzdy tyńdap alyp, adamdar dárihanaǵa baryp, preparattardy satyp alady. Jalpy, dárilik preparattar tek retsept boiynsha satylýy kerek», - dedi ol.
