Memleket basshysy Qasym-Jomart Toqaev Mańǵystaýǵa sapary barysynda jurtshylyqpen kezdesti, dep habarlaidy "Ult aqparat" Aqordanyń Tvitterdegi paraqshasyna silteme jasap.
Kezdesý barysynda QR Prezidenti Qasym-Jomart Toqaev:
«Jemqorlyq, bul - batpandap kiretin, mysqaldap shyǵatyn dert. Osyndai dertke qarsy myqty dári qoldanbasaq, odan arylý múmkin emes. Sondyqtan, biz tiisti is-sharalardy odan ári júze asyra beremiz», - dep atap ótti.
Qasym-Jomart Toqaevtyń aitýynsha, bizde tiimsiz shyǵyndar kóp.
«Bizdiń keibir ákimderimiz ben ministrlerimiz biýdjetke «taýsylmaityn qorjyn» retinde qaraidy», - dedi Memleket basshysy.
Prezident sondai-aq, kásipkerlerdi qoldaýǵa qatysty pikir bildirdi.
«Adal eńbegimen tabys tabatyn kásipker – memlekettiń tiregi. Ol halyqty jumyspen qamtý arqyly áleýmettiń ál-aýqatyn arttyrýǵa úles qosady. Sondyqtan, shaǵyn jáne orta biznesti damytýǵa barynsha qoldaý kórsetý qajet», – Q.Toqaev.
