Foto: egemen.kz
2022 jyldyń jeltoqsan aiynyń sońynda et ónimderi baǵasy bir jylda 16,6 paiyzǵa ósti, dep habarlaidy QazAqparat agenttigi.
Energyprom.kz portalynyń málimetinshe, et eń qatty qymbattaǵan óńir Mańǵystaý oblysy: bir jylda - 22,6 paiyz.
Odan keiin Pavlodar (21,7 paiyzǵa qymbattady) jáne Soltústik Qazaqstan (21,5) oblystarynda joǵary ósim bar.
Al baǵanyń shamaly ósimi Ulytaý oblysynda tirkeldi: 9,7 paiyz.
Et pen qus eti jyldyq dinamikada - 15,4, shujyq ónimderi - 22,2, et ónimderi 15,9 paiyzǵa qymbattady.
Et ónimderiniń ishinde qus eti — 29,4, jylqy eti — 16,7, shoshqa eti — 14,3, qoi eti — 12,9, siyr eti 10,1 paiyzǵa ósti.
Shujyq ónimderiniń ishinde pisirilgen shujyq - 23,6, jartylai ystalǵan shujyq 22,2 paiyzǵa kóterildi.
2022 jylǵy 1 jeltoqsanda Qazaqstanda eshkini (bir jylda 0,9 paiyzǵa azaiyp, 2,3 mln boldy) jáne shoshqany (bir jylda 10 paiyzǵa kemip, 812,5 myń boldy) sanamaǵanda negizgi mal basy sany kóbeidi.
Jylqy sany bir jylda 12,1 paiyzǵa artyp, 3,7 mln basqa, túie 8,6 paiyzǵa ósip, 260,5 myń basqa, iri qara 5,2 paiyzǵa kóbeiip, 8,5 mln basqa, qoi 4,4 paiyzǵa artyp, 19,6 mln basqa, qus 1,1 paiyzǵa kóbeiip, 50,8 mln basqa jetti.
