Foto: Úkimet
Búgin Úkimette Memleket basshysynyń óńirlik damý, sý resýrstary jáne irrigatsiia salalaryndaǵy tapsyrmalaryn oryndaý jáne «Energetikalyq jáne kommýnaldyq sektorlardy jańǵyrtý» ulttyq jobasyn iske asyrý barysyna arnalǵan baspasóz konferentsiiasy ótti. Bul týraly Ult.kz habarlaidy.
Shara barysynda Energetika ministrliginiń ókili aldaǵy jylytý maýsymyna daiyndyq barysy týraly suraqtarǵa jaýap berdi. Energetika vitse-ministri Suńǵat Esimhanovtyń aitýynsha, jóndeý jumystary josparǵa sai jáne turaqty túrde júzege asyrylyp jatyr.
«Biyl 10 energoblok, 63 qazandyq pen 39 týrbinany kúrdeli jóndeýden ótkizý josparlanǵan. Qazirgi tańda olardyń jartysynan kóbi – naqtyraq aitqanda, 5 energoblok, 30 qazandyq jáne 18 týrbinada jóndeý jumystary júrgizilýde. Qalǵan nysandardaǵy jóndeý aiaqtalǵan», – dedi ol.
Sondai-aq vitse-ministr jylý jelileri boiynsha jumystar ár óńirdiń kestesine sáikes júrgiziletinin atap ótti.
«Jelilerdi jóndeý óńirlerdiń quzyretinde. Bul jumystar Ónerkásip jáne qurylys ministrliginiń Baqylaý komitetimen birlesip qadaǵalanady. Jóndeý jumystary negizinen tariftik qarajat, respýblikalyq biýdjetten bólingen 40 mlrd teńge jáne Úkimet rezervinen qarastyrylǵan qarjy esebinen atqarylýda», – dedi Suńǵat Esimhanov.
