Keshendi jekeshelendirý jobasy aiasynda 6 nysan 3,2 mlrd teńgege satyldy. Bul týraly búgin Úkimet otyrysynda QR Premer-Ministriniń birinshi orynbasary - Qarjy ministri Álihan Smaiylov aitty, dep habarlaidy "Ult aqparat".
«2016-2020 jyldardaǵy keshendi jekeshelendirý josparynyń iske asyrylýy 93,2 paiyzdy qurady. 2020 jylǵa 68 nysandy satý josparlanǵan. Onyń 37-si satylýǵa qoiyldy. Esepti kezeńde 6 nysan 3,2 mlrd teńgege satyldy. 31 nysan saýda-sattyqqa shyǵaryldy», - dedi ol.
Onyń dereginshe, 3 nysan qaita uiymdastyrý jáne taratýǵa jiberilip otyr.
«28 nysan jyldyń aiaǵyna deiin satylýǵa shyǵarylady», - dedi Álihan Smaiylov.
