"AQSh memlekettik hatshysy Djon Kerri AQSh pen Resei arasyndaǵy Siriiadaǵy "Islam memleketi" ekstremistik uiymyna qarsy kúreste áskeri yntymaqtastyq jónindegi kelissóz aiaqtalýǵa jaqyn qaldy dep málimdedi", - dep habarlaidy Ult.kz tilshisi Azattyqqa silteme jasap.
"Biz qazir rasymen únemi kelissóz júrgizip jatyrmyz jáne men kelissózdi aiaqtaýǵa jaqyn qaldyq dep senemin" dedi Kerri Keniiaǵa barǵan saparynda.
"Aldaǵy kúnderi bizdiń top kezdesedi jáne onyń qorytyndysyna qarai Resei syrtqy ister ministri Sergei Lavrov ekeýmiz kelissóz júrgizýimiz ábden múmkin" dedi Kerri.
AQSh memlekettik hatshysy Siriiadaǵy qaqtyǵys tym uzaqqa sozylyp ketkenin aityp, Siriia biligin qoldaityn Resei men Iran jáne oppozitsiiashyl kóterilisshilerdi qoldaityn AQSh pen onyń Taiaý Shyǵystaǵy odaqtastary qaqtyǵysty birlese toqtatqany mańyzdy ekenin málimdedi.
Kerri Reseige IM-ge jáne "Ál-Qaidanyń" Siriiadaǵy qanaty "Nýsra maidany" tobyna qarsy áýe shabýyldarynda koordinatsiia jasaý jáne Siriia biligi áýe kúshteriniń kóterilisshilerge shabýylyn toqtatý úshin Reseimen barlaý málimetterin almasyp otyrýdy usyndy.
