Almatyda jol qozǵalysyn basqarýdyń avtomattandyrylǵan júiesine 357 baǵdarsham qosylady, dep habarlaidy "Ult aqparat" Polisia.kz saityna silteme jasap.
Almaty qalasynyń ákimshilik politsiiasy habarlaǵandai, qazirgi ýaqytta 93 baǵdarsham nysanyn júiege qosý arqyly jol qozǵalysyn basqarýdyń avtomattandyrylǵan júiesin jańǵyrtý, qaita qurý jáne damytý boiynsha jumystar aiaqtaldy.
Ekinshi kezeń aiasynda jol qozǵalysyn basqarýdyń avtomattandyrylǵan júiesine 357 baǵdarsham nysanyn qosý josparlanyp otyr. Bul júie qiylystardaǵy júktemeni naqty ýaqyt rejiminde oqýǵa jáne kólik aǵyndaryn ózgertýge múmkindik beredi.
Biyl sondai-aq qosymsha 30 shaqyrym velosiped joldaryn jasaý josparlanǵan.
Megopolistiń ákimshilik politsiiasy málimdegendei, 2023 jyly 6060 jol belgisi ornatylyp, aýystyrylǵan. 120 kóshege 305800 m2 joldy belgileý syzyqtary tóselgen. 34 qiylys aimaǵynda qozǵalys baǵytynyń traektoriiasyn kórsetetin 1,7 jol tańbalaý syzyqtary syzylǵan, 65 kóshe qiylysynda velosiped baǵdarshamy ornatylǵan.
