.jpg)
Foto: yujanka.kz
Kentaý qalasy ekologiialyq apat aimaǵy dep tanyldy. Bul týraly búgin Ortalyq kommýnikatsiialar qyzmetinde oblys ákimi Darhan Satybaldy málim etti.
«Shardara, Arys, Otyrar, Saýran aýdandarynyń jáne Túrkistan qalasynyń bir bóligi — bári de Aral mańyndaǵy daǵdarys aldyndaǵy aimaqqa jatady. Sondyqtan olar ekologiialyq aimaqqa enedi. Saýran aýdany Kentaý qalasymen shektesedi, onyń jartysy Kentaý qalasynyń aýmaǵynda ornalasqan jáne ekologiialyq apat aimaǵyna enbeidi. Osyǵan bailanysty turǵyndar «Kentaýdy Aral mańynyń daǵdarys aldyndaǵy aimaǵyna qosý týraly» normativtik qujat qabyldaý máselesin kóterdi»,- dedi D. Satybaldy.
Densaýlyq saqtaý jáne Ekologiia ministrlikteri tiisti zertteýler júrgizip, ekologiianyń Kentaý turǵyndaryna da áser etetinin anyqtaǵan. Nátijesinde Kentaýdy ekologiialyq aimaqqa engizýge bolady degen sheshim qabyldandy. Bul úshin qosymsha 6 mlrd teńge qajet. Ákimniń aitýynsha, qazir osy qarajattyń qaidan bólinetini qarastyrylyp jatyr.
