Kentaý qalasynda aǵymdaǵy jyldyń 10 aiynda paidalanýǵa berilgen turǵyn úidiń jalpy alańy 27 486 sharshy metrdi qurap, ótken jyldyń sáikes kezeńimen salystyrǵanda 167 paiyz artty. Jalpy shaharda jyl saiyn 100-den asa páter el igiligine tapsyrylady. Bul týraly Túrkistan oblysy óńirlik kommýnikatsiialar qyzmetinde Kentaý qalasynyń ákimi Ábdibaqyt Maqulbaev málim etti.
«Aǵymdaǵy jyldyń 10 aiynda Kentaý qalasy boiynsha 7 kóp qabatty turǵyn úi kesheniniń qurylys jumystary júrgizildi. Onyń ishinde 2 nysan, atap aitqanda jalpy quny 898 mln.teńgelik aýdany 7294 sharshy metrdi quraityn 120 páter qarasha aiynda tolyǵymen qabyldanyp, paidalanýǵa berildi. 5 nysan (300 páter 2 mlrd. 340,8 mln.teńge, aýdany 16 620 sh.m.) 2019 jylǵa ótpeli. Kópqabatty turǵyn úi kesheniniń jalpy smetalyq quny 3 238,8 mln.teńgeni quraidy», - dedi Ábdibaqyt Tillábaiuly.
Sonymen qatar, aǵymdaǵy jyly 5 dana 2 qabatty qyzmettik úi qurylysy bastalyp, jyl sońyna deiin paidalanýǵa tapsyrylady. Ondaǵy páterler sany – 54, jalpy aýdany – 2296,84 sharshy metr. Sondai-aq, 10 dana 5 qabatty 60 páterli turǵyn úidiń jobasy ázirlenip, 2019 jyly qurylys jumystaryn bastaý josparlanýda. Ondaǵy páter sany – 600, al jalpy aýdany –33 470 sharshy metrdi quraidy.
Aita keterligi, Kentaý qalasynda Elbasy tapsyrmasyn sáikes, kommýnaldyq tólem baǵalary aitarlyqtai tómendegen. Máselen, aýyz-sý – 9-11 paiyzǵa, qoqys shyǵarý – 9-10 paiyzǵa, jylý –24 paiyzǵa arzandap otyr.
«Qaladaǵy 334 kóp qabatty, 2121 jeke turǵyn úi jáne 102 biýdjettik mekeme tolyq ortalyqtandyrylǵan jylýmen qamtamasyz etilýde. Stantsiianyń qatty otyn qoryn jasaqtaýǵa biýdjet esebinen 497,7 mln. teńgege 49334,9 tonna qatty otyn alynyp, tasymaldandy.
Infraqurylym boiynsha Kentaý qalasy jáne oǵan qarasty aýyl turǵyndary 24 saǵat, Ashysai aýyly ǵana 12 saǵat aýyz sýmen qamtamasyz etilgen. Sondai-aq, Kentaý qalasyn tabiǵi gazben qamtamasyz etý maqsatynda oblystyq biýdjetten jalpy quny 1003,2 mln.teńge qarjy qaralyp, jumystar atqarylýda. Qalanyń 5 ishki kóshelerin ortasha jóndeý jumystaryna 58 mln.teńge bólinip, 2,5 shaqyrym jol jóndeldi. Sondai-aq, 27,6 mln.teńgege kópqabatty turǵyn úilerdiń aýlalaryndaǵy 9,1 sharshy metr jol jóndeýden ótti.
